Inditex

З Вікіпедыі, свабоднай энцыклапедыі
Inditex
Тып фірма
Лістынг на біржы Madrid Stock Exchange[d]
Заснаванне 12 чэрвеня 1985
Заснавальнікі Amancio Ortega[d]
Размяшчэнне
Галіна рознічны гандаль, тэкстыльная прамысловасць[d] і швейная прамысловасць
Прадукцыя Тэкстыль
Абарот
  • ▲32,6 млрд € (2022)[1]
Аперацыйны прыбытак
  • ▲5,52 млрд € (2022)[1]
Чысты прыбытак
  • ▲4,13 млрд € (2022)[1]
Колькасць супрацоўнікаў
  • 165 042 чал. (2021)[2]
Даччыныя кампаніі Zara, Pull&Bear[d], Bershka[d], Massimo Dutti[d], Stradivarius[d], OYSHO[d], Lefties[d] і Zara Home[d]
Сайт inditex.com

Inditex S.A., «Індзітэкс» — іспанская кампанія, уладальнік буйных сетак крам, міравы лідар у сферы рознічнага гандлю адзежай. Поўная назва— Industria de Diseño Textil Sociedad Anónima. Штаб-кватэра — у горадзе Артэйха (Галісія, Іспанія). Трымальнікам кантрольнага пакета акцый застаецца заснавальнік кампаніі Амансіа Артэга.

Гісторыя[правіць | правіць зыходнік]

Амансіа Артэга нарадзіўся ў 1936 годзе і з 13 гадоў пачаў працаваць пасыльным у краме сарочак. У пачатку 1960-х гадоў ён пачаў сам шыць, беручы прыклад з дызайна высокай моды, спачатку на даму, потым у 1963 годзе адкрыў сваю фабрыку. У 1975 годзе ў іспанскай Ла-Карунье Артэга адкрыў першую краму «Zara». Крама карысталася вялікім поспехам, паколькі прапаноўвала танныя копіі дызайнерскай адзежы. Зарэгістраваўшы ў 1976 годзе сваё прадпрыемства пад назвай «Goasam», Артэга пачаў развіваць сетку з подобных крам. У пачатку 1980-х гадоў Артэга вырашыў для паскарэння працэсу ўвода новых дызайнаў у масавую вытворчасць пачаць ужыванне камп’ютарных тэхналогій, для чаго ў 1984 годзе ў кампанію быў запрошаны камп’ютэрны спецыяліст з «ConAgra» Хосэ Марыя Кастэлана (ісп.: José María Castellano). Дзякуючы яму на працэс, які раней займаў да паловы года цяпер хапала 10—15 дзён, акрамя таго, у кампаніі працавала цэлая каманда дызайнераў (больш 200 у пачатку XXI веку, больш 700 на 2018 год). Гэта дазваляла хутка адаптавацца пад густы спажыўцоў і поўнасцю аднаўляць калекцыю кожныя два тыдні.

У 1985 годзе кампанія «Goasam» была ператворана ў «Industria de Diseño Textil S.A.» (прадпрыемства тэкстыльнага дызайну), скарочана «Inditex». Да канца 1980-х гадоў кампаніі належала ўжо 80 крам «Zara» ў Іспаніі, у 1988 годзе быў адчынены першы магазін за мяжой, у Партугаліі. У 1989 годзе кампанія выйшла на рынак ЗША, але без асаблівага поспеху (у пачатку 2000-х там было ўсяго 6 крам), значна лепш прасоўваўся такі фармат крам у Еўропе, з 1990 года ў Францыі, з 1993 года ў Грэцыі, з 1994 года ў Бельгіі і Швецыі, з 1995 года на Мальце і з наступнага года - на Кіпры. У канцы 1990-х гадоў тэмп засваення новых рынкаў паскорыўся: у 1997 годзе былі адчынены крамы ў Ізраіле, Нарвегіі, Турцыі і Японіі, у 1998 годзе — Аргенціне, Вялікабрытаніі і Венесуэле, а таксама на правах франчайзінга на Бліжнім Усходзе. Да 2000 года крамы Zara з’явіліся ў Германіі, Нідэрландах і шэрагу краін Усходняй Еўропы.

Кампанія развівалася не толькі геаграфічна, але і асвойвала новыя катэгорыі пакупнікоў. У пачатку 1990-х гадоў у крамах Zara з’явіліся аддзелы дзіцячай адзежы Kiddy’s Class, у 1991 годзе была заснаваная новая сетка крам, Pull & Bear, якая арыентуецца на гарадскі стыль, таксама ў гэтым годзе была набыта 65-працэнтная доля ў кампаніі Massimo Dutti, у 1995 годзе яна была поўнасцю паглынута. У 1998-м была заснавана сетка Bershka, а ў 1999 годзе куплена сетка Stradivarius, абедзве арыентаваныя на маладзёжную адзежу. У 2001 годзе з’явіліся крамы ніжняй бялізны Oysho, а ў 2003  — сетка тавараў для дому Zara’s Home. У 2008 годзе была заснавана сетка крам аксэсуараў Uterque.

У 2000 году штаб-кватэра была перанесена з Ла-Карунні ў новы будынак у Артэйха. У наступным годзе Inditex стала публічнай кампаніяй, размясціўшы больш за 20 % акцый на Мадрыдскай фондавай біржы, што зрабіла Артэгу самым багатым чалавекам Іспаніі. Да 2004 года колькасць крам перавысіла 2000, былі засвоены такія краіны, як Люксембург, Ісландыя, Ірландыя, Іарданія і Пуэрта-Рыка ў 2001 годзе, Швейцарыя, Фінляндыя, Сальвадор і Сінгапур у 2002 годзе, Расія, Славакія, Малайзія і Ганконг у 2003.

Пачынаючы з 2010-х гадоў рост колькасці крам запаволіўся. У некаторых краінах, у першую чаргу ў Іспаніі, іх колькасць пачала скарачацца. Гэта тлумачыцца ростам канкурэнцыі з боку інтэрнэт-крам. Да новых умоў кампанія адаптавалася, таксама пачаўшы гандляваць анлайн, у 2018 годзе 12 % выручкі даў гандль праз Інтэрнэт. У адрозненне ад іншых сетак, закрыццё крам не закранала скарачэнне персаналу, закрываліся ў асноўным невялікія крамы, замест гэтага адчыняліся вялікія гандлёвыя цэнтры, такім чынам агульная гандлёвая плошча і колькасць супрацоўнікаў працягвае расці.

Уласнікі і кіраўніцтва[правіць | правіць зыходнік]

Амансіа Артэга Гаона (Amancio Ortega Gaona) — заснавальнік кампаніі, сябра рады дырэктараў, старшыня рады дырэктараў да 2011 года, трымальнік кантрольнага пакета акцый (59,294 %), адзін з найбагацейшых людзей планеты. Яго дачцэ, Меры Сандры Артэга (ісп.: Mera Sandra Ortega) належыць яшчэ 5,05 % акцый кампаніі.

Пабла Ісла (Pablo Isla Alvarez de Tejera) — старшыня рады дырэктараў з 2011 года, галоўны выканаўчы дырэктар з 2005 года. Да прыхода ў Inditex быў старшынёй рады дырэктараў Altadis, яшчэ раней кар’ера праходзіла ў Banco Popular і міністэрстве эканомікі і фінансаў (генеральны дырэктар дзяржаўных актываў, 1996—1998 год). Таксама сябра рады дырэктараў Telefonica і Nestle.

Дзейнасць[правіць | правіць зыходнік]

Крама Zara у Сингапуре

Маркетынгавая стратэгія кампаніі атрымала назву «хуткая мода», паколькі прадугледжвае хуткі ўваход новых дызайнаў у масавую вытворчасць, ад распрацоўкі дызайну да дастаўкі ў крамы праходзіць менш месяца (у іншых кампаній каля 5 месяцаў). У кампаніі мінімальныя выдаткі на рэкламу - 0,3 % ад выручкі, у канкурэнтаў у сярэднім 3,5 %, у Nike — больш 10 %. У кампаніі ёсць уласныя фабрыкі ў Іспаніі, на іх вырабляецца каля 40 % пробных партый новых дызайнаў, астатняя частка пробных партый і масавае вырабніцтва ажыццяўляецца іншымі кампаніямі ў Партугаліі, Марока, Турцыі і краінах Азіі; агульная колькасць фабрык — больш за 7 тысяч. У кампаніі два лагістычных цэнтра, у Артэйха і Сарагосе, праз якія праходзіць уся прадукцыя Inditex.

На 2018 год вытворчасцю прадукцыі Inditex займаліся 7235 фабрык, з якіх 1286 пастаўлялі сыравіну (тканіны і ніткі), 4905 займаліся шыццём. Па колькасці людзей, якія знаходзяцца ў вытворчасці, вядучыя месцы займаюць Бангладэш (537 тысяч), КНР (410 тысяч), Індыя (275 тысяч), Турцыя (251 тысяча), Пакістан (232 тысячы), Камбоджа (143 тысячы), В’етнам (138 тысяч), Марока (85 тысяч), Партугалія (52 тысячы), Іспанія (9 тысяч).

Сетка Inditex налічвае 7490 крам у 96 краінах, у 156 краінах прадукцыя кампаніі доступна анлайн. Асноўныя брэнды:

  • Zara — 2131 крама ў 96 краінах, у 154 краінах даступна анлайн, абарот 18 млрд еўра.
  • Pull & Bear — 974 крамы ў 75 краінах, у 34 краінах даступна анлайн, абарот 1,86 млрд еўра.
  • Massimo Dutti — 766 крам у 76 краіна, у 37 краінах даступна анлайн, абарот 1,8 млрд еўра.
  • Oysho — 678 крам у 55 краінах, у 34 краінах даступна анлайн, абарот 570 млн еўра.
  • Bershka — 1107 крам у 75 краінах, у 35 краінах даступна анлайн, абарот 2,24 млрд еўра.
  • Zara Home — 603 крамы ў 68 краінах, у 38 краінах даступна анлайн.
  • Stradivarius — 1011 крам у 66 краінах, у 32 краінах даступна анлайн, абарот 1,53 млрд еўра.
  • Uterque — 92 крамы ў 17 краінах, у 32 краінах даступна анлайн, абарот 101 млн еўра.

Асноўным рэгіёнам дзейнасці з’являецца Еўропа, якая дае больш за 60 % выручкі. У 2018 годзе на дамашні рынак прыйшло 16,2 % выручкі (гэтая доля няўхільна скарачаецца, да пачатку крызісу 2008 года яна складала 37 %), 45,1 % дае астатняя Еўропа, 15,5 % — Амерыка, 23,2 % — іншыя рэгіёны. Найбольшая колькасць крам у наступных краінах: Іспанія (1635), КНР (589, яшчэ 35 у Ганконге), Расія (547), Мексіка (414), Італія (390), Партугалія (339), Францыя (290), Польшча (249), Турцыя (228), Саудаўская Аравія (182), Грэцыя (165), Японія (147), Германія (134), Румынія (121), Вялікабрытанія (108), ЗША (102), Бельгія (85), Ізраіль (79), Нідэрланды (78), Бразілія (72), Інданезія (67), Рэспубліка Карэя (67), Украіна (65).

У спісе найбуйнейшых публічных кампаній міру Forbes Global 2000 за 2019 год Inditex заняла 289-е месца, у тым ліку 327-е па абароце, 188-е па чыстаму прыбытку, 109-е па актывам і 100-е па рыначнай капіталізацыі.[3] З кампаній, якія спецыялізуюцца на адзежы і абутку, у гэтым спісе Inditex займае трэцяе месца пасля Christian Dior (143-е месца) і Nike (280-е месца).[4]

Фінансавыя паказчыкі ў млрд еўра[5][6][7]
2000 2001 2002 2003 2004 2005 2006 2007 2008 2009 2010 2011 2012 2013 2014 2015 2016 2017 2018
Абарот 2,615 3,250 3,974 4,599 5,569 6,741 8,196 9,435 10,41 11,05 12,53 13,79 15,95 16,72 18,12 20,90 23,31 25,34 26,15
Чысты прыбытак 0,259 0,340 0,438 0,447 0,639 0,803 1,002 1,250 1,253 1,322 1,741 1,946 2,367 2,382 2,510 2,882 3,161 3,372 3,448
Уласны капітал 1,171 1,486 1,761 2,106 2,393 2,921 3,471 4,217 4,749 5,329 6,386 7,415 8,446 9,246 10,43 11,41 12,71 13,50 14,65
Супрацоўнікаў, тыс. чал. 24,00 26,72 32,54 39,76 47,05 58,19 69,24 79,52 89,11 92,30 100,1 109,5 120,3 128,3 137,1 152,9 162,5 171,8 174,4

Заўвагі[правіць | правіць зыходнік]

  1. ↑ а б в annual report
  2. ↑ annual report
  3. ↑ Inditex on the Forbes Global 2000 List (англ.). Forbes. Праверана 6 жніўня 2019.
  4. ↑ World’s largest apparel company in 2019 is Christian Dior followed by Nike and Inditex (англ.). Textile Today. Праверана 6 жніўня 2019.
  5. ↑ Annual Report 2003 (англ.). Inditex S.A.. Праверана 5 жніўня 2019.
  6. ↑ Annual Report 2008 (англ.). Inditex S.A.. Праверана 5 жніўня 2019.
  7. ↑ Annual Report 2013 (англ.)(недаступная спасылка). Inditex S.A.. Архівавана з першакрыніцы 8 мая 2019. Праверана 5 жніўня 2019.

Спасылкі[правіць | правіць зыходнік]

Узята з "https://be.wikipedia.org/w/index.php?title=Inditex&oldid=4561992"