Аляксандр Георгіевіч Лебедзеў

З Вікіпедыі, свабоднай энцыклапедыі
У Вікіпедыі ёсць артыкулы пра іншых асоб з прозвішчам Лебедзеў.
Футбол
Аляксандр Лебедзеў
Агульная інфармацыя
Поўнае імя Аляксандр Георгіевіч Лебедзеў
Нарадзіўся 14 красавіка 1985(1985-04-14)[1] (39 гадоў)
Грамадзянства  Беларусь
Рост 196 см
Вага 86 кг
Пазіцыя нападнік
Клубная кар’ера[* 1]
2003—2006 Беларусь БАТЭ (Барысаў) 60 (12)
2007—2008 Расія Кубань (Краснадар) 4 (0)
2008 →  Беларусь Дынама (Мінск) 30 (9)
2009—2010 Беларусь Дынама (Мінск) 10 (1)
2010 →  Беларусь Белшына (Бабруйск) 23 (1)
2011 Беларусь Дынама (Брэст) 14 (1)
2011 Беларусь Шахцёр (Салігорск) 13 (0)
2012 Беларусь Гарадзея 10 (5)
2012 Польшча Відзаў (Лодзь) 3 (0)
2013—2014 Беларусь Гарадзея 16 (1)
2014—2016 Беларусь Іслач 50 (20)
Нацыянальная зборная[* 2]
2005 Беларусь Беларусь (да 21) 3 (2)
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў.
  2. ↑ Колькасць гульняў і галоў за нацыянальную зборную ў афіцыйных матчах

Аляксандр Лебедзеў (нар. 14 красавіка 1985, Зажэвічы, Салігорскі раён) — беларускі футбаліст, нападнік.

Малодшы брат Аляксандра, Дзмітрый, таксама футбаліст.

Клубная кар’ера[правіць | правіць зыходнік]

Выхаванец СДЮШАР горада Салігорска, кар’еру пачаў у барысаўскім БАТЭ. Добра правёў сезон 2006, калі забіў 7 галоў у чэмпіянаце і дапамог барысаўчанам стаць чэмпіёнамі і ўладальнікамі Кубка Беларусі. Пасля гэтага сезона перайшоў у клуб расійскай Прэм’ер-лігі «Кубань», але не здолеў замацавацца ў складзе і праз год вярнуўся ў Беларусь, на правах арэнды стаўшы іграком мінскага «Дынама». У 2009 годзе сталічны клуб падпісаў кантракт з нападнікам на трывалай аснове, але з-за траўмы ён гуляў мала. Пазней выступаў у Вышэйшай лізе за «Белшыну», брэсцкае «Дынама» і салігорскі «Шахцёр».

У першай палове 2012 года гуляў у Першай лізе за «Гарадзею», а пасля перабраўся ў клуб польскай Экстраклясы «Відзаў». Аднак, неўзабаве атрымаў траўму і, згуляўшы толькі тры матчы, узімку пакінуў Польшчу. У першай палове 2013 года заставаўся без клуба, аднаўляючыся ад траўмы, потым вярнуўся ў «Гарадзею».

У жніўні 2014 года, пакінуўшы «Гарадзею», падпісаў кантракт з «Іслаччу»[2]. У наступным годзе дапамог «Іслачы» перамагчы ў Першай лізе. У жніўні 2016 года быў адлічаны з клуба за ўдзел у дагаварных матчах[3].

У кастрычніку 2017 года па выніках справы аб дагаварных матчах быў прысуджаны да штрафу ў 18,4 тысячы рублёў[4], а ў лютым 2018 года атрымаў ад Дысцыплінарнага камітэта АБФФ пажыццёвую дыскваліфікацыю[5]. Пасля зыходу з «Іслачы» стаў працаваць дзіцячым трэнерам[6].

Міжнародная кар’ера[правіць | правіць зыходнік]

Выступаў за моладзевую зборную Беларусі.

Дасягненні[правіць | правіць зыходнік]

Крыніцы[правіць | правіць зыходнік]

  1. ↑ Aleksandr Lebedev // Transfermarkt — 2000. Праверана 9 кастрычніка 2017.
  2. ↑ Сокол, Лебедев и еще 3 игрока перешли в «Ислочь» (руск.). by.tribuna.com.
  3. ↑ Лебедев, Тишкевич и Владимир Маковский уволены из "Ислочи" за организацию "договорняка" (руск.). football.by (10 жніўня 2016). Праверана 2 мая 2024.
  4. ↑ "Дело о договорных матчах". От 4 до 40 тысяч евро штрафа, до 3 лет ограничения свободы (руск.)(недаступная спасылка). pressball.by (12 кастрычніка 2017). Архівавана з першакрыніцы 13 снежня 2021. Праверана 20 кастрычніка 2018.
  5. ↑ Футбол. БФФ пожизненно дисквалифицировала 12 фигурантов договорных матчей (руск.)(недаступная спасылка). pressball.by (20 лютага 2018). Архівавана з першакрыніцы 13 снежня 2021. Праверана 5 сакавіка 2018.
  6. ↑ Дело о “договорняках”. “Друзья-однополчане”, где же вы теперь? (руск.)(недаступная спасылка). pressball.by (15 кастрычніка 2018). Архівавана з першакрыніцы 13 снежня 2021. Праверана 20 кастрычніка 2018.

Спасылкі[правіць | правіць зыходнік]

Узята з "https://be.wikipedia.org/w/index.php?title=Аляксандр_Георгіевіч_Лебедзеў&oldid=4721321"