Амалон

Амалон
руск. Омолон, як. Омолоон
Характарыстыка
Даўжыня	1114 км
Басейн	113 000 км²
Расход вады	каля 900 м³/с (у вусці)
Вадацёк
Выток
• Месцазнаходжанне	Калымскае нагор’е
• Каардынаты	62°43′09″ пн. ш. 157°31′09″ у. д.
Вусце	Калыма
• Каардынаты	68°42′29″ пн. ш. 158°41′50″ у. д.
Размяшчэнне
Водная сістэма	Калыма → Усходне-Сібірскае мора
Краіна	Расія
Рэгіёны	Якуція, Чукоцкая аўтаномная акруга, Магаданская вобласць
Код у ДВР	19010200112119000047988
выток вусце

Амало́н (руск.: Омоло́н, якуцк.: Омолоон) — рака ў Азіяцкай частцы Расіі, у Рэспубліцы Саха (Якуція), Чукоцкай аўтаномнай акрузе і Магаданскай вобласці, правы прыток ракі Калыма.

Даўжыня ракі 1114 км. Плошча вадазбору 113 000 км². Сярэдні расход вады каля 700 (каля 900) м³/с. Сярэдні аб’ём сцёку 28,405 км³/год. Выток ракі знаходзіцца на Калымскім нагор’і, на схілах Атакайчанскага хрыбта. Басейн ракі знаходзіцца паміж Атакайчанскім і Калымскім хрыбтамі ў зоне вечнай мерзлаты. Да ўпадзення ракі Кегалі Амалон працякае ў вузкай даліне. Ніжэй даліна ракі пашыраецца і рэчышча раздзяляецца на 2 рукавы. Паніжаная частка даліны — забалочаная раўніна з зарастаючымі старыцамі і старычна-тэрмакарставымі азёрамі. Шырыня рэчышча ў сярэднім цячэнні каля 500 м. У верхнім цячэнні рака перамярзае і ўтвараюцца палонкі і наледзі.

Басейн ракі Калыма

Асноўныя прытокі: Бебекан, Вялікая Аўландзя, Вялікі Эльгенчэн, Малы Эльгенчэн, Карбасчан (правыя); Маланджа, Алой, Алайчан, Кедон (левыя).

Рака суднаходная на адлегласці 384 км ад вусця.

Літаратура

• Географический энциклопедический словарь: Географические названия / Гл. ред А. Ф. Трёшников; Ред. кол.: Э. Б. Алаев, П. М. Алампиев, А. Г. Воронов и др.. — М.: Сов. энциклопедия, 1983. — С. 318. — 538 с. — 100 000 экз. (руск.)
• Амалон // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1). — С. 304.

Спасылкі

• Река Омолон // Государственный водный реестр РФ (руск.)
• Омолон // Webgeo — Портал География — Электронная Земля — Eearth(недаступная спасылка) (руск.)
• Алексеевский Н. И., Магрицкий Д. В. Омолон // Научно-популярная энциклопедия «Вода России» (руск.)
• Водно-болотные угодья Северо-Востока России (Дальневосточный Север РФ) // Водно-болотные угодия России (руск.)