Брускі

Вёска Брускі Краіна Беларусь Вобласць Магілёўская Раён Магілёўскі Сельсавет Буйніцкі Каардынаты 53°51′42″ пн. ш. 30°12′40″ у. д. Насельніцтва 133 чалавекі (2010) Часавы пояс UTC+3 Тэлефонны код +375 222 Паштовыя індэксы 213133 Аўтамабільны код 6 СААТА 7244860006 Брускі на карце Беларусі ±

Брускі́ (трансліт.: Bruski, руск.: Бруски) — вёска ў Магілёўскім раёне Магілёўскай вобласці. Уваходзіць у склад Буйніцкага сельсавета. Размешчана за 4 км на паўднёвы захад ад Магілёва, за 6 км ад чыгуначнай станцыі Буйнічы на лініі Магілёў — Жлобін. Рэльеф раўнінны, на ўсход праходзіць чыгунка. Транспартныя сувязі па мясцовай дарозе і далей па шашы Магілёў — Бабруйск.

Гісторыя

Заснавана ў пачатку 1920-х гадоў перасяленцамі з суседніх вёсак. З 17 ліпеня 1924 года ў Магілёўскім раёне Магілёўскай акругі (да 26 ліпеня 1930), з 20 лютага 1938 года ў Магілёўскай вобласці. У 1926 годзе пасёлак, 13 двароў, 83 жыхары. У пачатку 1930-х гадоў арганізаваны калгас «Чырвоны партызан», які ў 1933 годзе аб’ядноўваў 8 гаспадарак. Дзейнічаў гурток па ліквідацыі непісьменнасці сярод дарослых.

У Вялікую Айчынную вайну з ліпеня 1941 года да 27 чэрвеня 1944 года акупіравана нямецка-фашысцкімі захопнікамі. З 16 ліпеня 1954 года ў Цішоўскім сельсавеце. У 1990 годзе ў складзе калгаса «Маяк камунізму» (цэнтр — в. Цішоўка). Размяшчаліся вытворчая брыгада, ферма буйной рагатай жывёлы, магазін. У 2007 годзе працаваў магазін.

Планіроўка

Планіровачна складаецца з 2 прамалінейных паралельных вуліц, арыентаваных з паўднёвага захаду на паўночны ўсход, уздоўж чыгункі. Забудавана двухбакова, шчыльна традыцыйнымі драўлянымі дамамі сядзібнага тыпу. Гаспадарчы сектар — на поўначы.

Насельніцтва

• XX стагоддзе:
  • 1990 — 72 гаспадаркі, 169 жыхароў.
• XXI стагоддзе:
  • 2007 — 81 гаспадарка, 141 жыхар.

Літаратура

• Брускі // Гарады і вёскі Беларусі: Энцыклапедыя. Т. 6, кн. 2. Магілёўская вобласць / рэдкал.: Т. У. Бялова (дырэктар) і інш. — Мн.: Беларуская Энцыклапедыя імя Петруся Броўкі, 2009. — 592 с.: іл. — 2 000 экз. — ISBN 978-985-11-0440-2.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх