Глебкаўка (заказнік)

Глебкаўка
Катэгорыя МСАП — IV (Тэрыторыя кіравання відамі ці месцапражываннямі)
Размяшчэнне	Беларусь, Мінскі раён, Мінская вобласць
Плошча	964 га
Дата заснавання	2001
Глебкаўка
Глебкаўка

Гле́бкаўка — біялагічны заказнік рэспубліканскага значэння ў Мінскім раёне. Заснаваны ў 2001 годзе для захавання ў прыродным стане участкаў лясных фармацый з папуляцыямі рэдкіх і знікаючых відаў жывёл і раслін. Плошча заказніка складае 964 га.

Лясны масіў, размешчаны ў лесапаркавай частцы зялёнай зоны г. Мінска; мае водаахоўнае значэнне для вытокаў р. Глебкаўка. Рэльеф дэнудацыйнага тыпу, платопадобная паверхня канцавых марэн з асобнымі ўзгоркамі, фаламі і западзінамі. Глебы дзярнова-падзолістыя слабаападзоленыя супясчаныя і пясчаныя, месцамі эрадзіраваныя.

Расліннасць — лясы, пераважна хваёвыя, месцамі лугі і хмызнякі. У флоры 496 відаў сасудзістых раслін, 14 з іх занесены ў Чырвоную кнігу; купальнік горны, пярэсна еўрапейская, лілея кучаравая, ятрышнік абпалены, гарлянка пірамідальная, пылкагалоўнік даўгалісты і інш. У фаўне 13 відаў млекакормячых, 70 — птушак (у Чырвонай кнізе пустальга звычайная), 7 — амфібій і рэптылій.

Літаратура

• Глебкаўка // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).

Спасылкі

• На Вікісховішчы ёсць медыяфайлы па тэме Глебкаўка (заказнік)