Дразды (вадасховішча)

Дразды
Каардынаты: 53°56′51″ пн. ш. 27°27′50″ у. д.
Даўжыня	6 км
Шырыня	0,6 км
Плошча	2,1 км²
Аб'ём	0,00575 км³
Даўжыня берагавой лініі	13 км
Найбольшая глыбіня	6 м
Сярэдняя глыбіня	2,7 м
Плошча вадазбору	649 км²
Упадаюць	Рака Свіслач
Выцякаюць	Рака Свіслач
Год напаўнення	1976
Дразды
Дразды
Медыяфайлы на Вікісховішчы

Дразды́ — вадасховішча на паўночна-заходняй ускраіне Мінска, на рацэ Свіслач. Уваходзіць у склад Вілейска-Мінскай воднай сістэмы.

Плаціна на вадасховішчы Дразды

Створана ў 1976 годзе плацінай на рацэ Свіслач для тэхнічнага водазабеспячэння і абваднення горада. Плошча 2,1 км², даўжыня 6 км, найбольшая шырыня 0,6 км. Глыбіня дасягае 6 м, сярэдняя глыбіня 2,7 м, аб'ём вады 5,75 млн. м³, плошча вадазбору 649 км².

Дразды з'яўляюцца праточным вадасховішчам. Берагі ў асноўным нізкія, маецца 4 невялікіх вострава. Замярзае ў пачатку снежня, лёд (таўшчыня 50—60 см) трымаецца да 3-й дэкады красавіка. Водная расліннасць развіта слаба.

На лясістых берагах паўночна-заходняй часткі вадасховішча пабудаваны санаторыі і дзіцячыя аздараўленчыя лагеры, дзейнічае зона адпачынку са шматлікімі пляжамі і лодкавай станцыяй. Частка ўзбярэжжа аддадзена пад дачныя ўчасткі. Паміж Заслаўскiм вадасховішчам і Драздамі размешчаны канал для заняткаў воднымі вiдамi спорту. Дразды з'яўляюцца папулярным месцам летняй і падлёднай лоўлі рыбы.

Літаратура

• Блакітная кніга Беларусі : Энцыклапедыя / рэдкал.: Н. А. Дзісько і інш. — Мн.: БелЭн, 1994. — 415 с. — 10 000 экз. — ISBN 5-85700-133-1.

Спасылкі

• Відэа на YouTube: Пад вадой на вадасховішчы Дразды
• Артыкул "Дамба ў Драздах стала смяротнай пасткай" (руск.)