Земавіт Фядэцкі
Земавіт Фядэцкі | |
---|---|
![]() | |
Род дзейнасці | пісьменнік, перакладчык |
Дата нараджэння | 24 верасня 1923 |
Месца нараджэння | |
Дата смерці | 8 студзеня 2009[1] (85 гадоў) |
Месца смерці | |
Грамадзянства | |
![]() |
Земавіт Фядэцкі (польск.: Ziemowit Fedecki; 24 верасня 1923, в. Лебяда Лідскага раёна Гродзенскай вобласці ― 8 студзеня 2009) ― польскі славіст, фалькларыст і перакладчык.
Біяграфія
[правіць | правіць зыходнік]Нарадзіўся ў 1923 годзе на Лідчыне ў шляхецкай сям’і ў маёнтку Лебяда, непадалёк Мажэйкава. Тут правёў дзяцінства і перажыў вайну.
У 1942—1943 гадах жыў у вёсцы Феліксава, у сям’і свайго сябра Уладзіміра Мальца. Працаваў з ім у полі, дапамагаў будаваць новую хату; таксама запісваў у сшытак мясцовыя песні.
Яшчэ ў час вайны Земавіт Фядэцкі пачаў працаваць прэс-аташэ ў польскім пасольстве ў Маскве. Тут пазнаёміўся з многімі творчымі асобамі. Падчас ганенняў на «касмапалітаў», калі ў Барыса Пастарнака аднялі ўсе магчымасці заробкаў, Фядэцкі яму перадаваў «ганарары» з пасольства за тэксты, нібы перакладзеныя на польскую мову.
У 1948-50 гады, пасля вяртання з Масквы ён працаваў шэфам аддзялення рускай літаратуры ў выдавецтве «Czytelink». З 1950 года рэдактар часопіса «Twórczość». Пазней выдаваў часопіс «Оpinie», прысвечаны рускай і савецкай літаратуры. З 1954 года супрацоўнічаў у Студэнцкім тэатры сатырыкаў, пісаў там аперэты.
Перакладаў літаратурныя творы з рускай, беларускай і французскай моў.
Народныя песні з вёскі Феліксава Лідскага раёна былі выдадзены ў зборніку «Цёплыя вечары… ды халодныя ранкі… czyli co spiewano w Fieliksowie», які выйшаў 1992 годзе.
Памёр у 2009 годзе ў Варшаве.
Ушанаванне памяці
[правіць | правіць зыходнік]У 2017 годзе быў заснаваны адкрыты рэгіянальны фестываль песеннага фальклору памяці Земавіта Фядэцкага «Цёплыя вечары… ды халодныя ранкі…», які прайшоў у Мажэйкаўскім Доме культуры[3].
Зноскі
[правіць | правіць зыходнік]- ↑ Ziemowit Fedecki // e-teatr.pl — 2004.
- ↑ выгрузка даных Freebase — Google.
- ↑ grodnonews.by
Літаратура
[правіць | правіць зыходнік]- Ён нарадзіўся ў беларускай Атлантыдзе: 90-я ўгодкі Земавіта Фядэцкага / Ежы Чэх // Лідскі летапісец. ― 2013. — С. 9—10.