Курвіцэпс

Курвіцэпс
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Другаснаротыя Тып:  Хордавыя Падтып:  Пазваночныя Інфратып:  Сківічнаротыя Клада:  Рыбы Надклас:  Касцявыя рыбы Клас:  Прамянёвапёрыя рыбы Падклас:  Навапёрыя рыбы Інфраклас:  Касцістыя рыбы Надатрад:  Acanthopterygii Атрад:  Акунепадобныя Падатрад:  Labroidei Сямейства:  Cichlidae Падсямейства:  Cichlasomatinae Род:  Laetacara Від:  Курвіцэпс
Міжнародная навуковая назва
Laetacara curviceps C. G. E. Ahl, 1923
Сінонімы
Acara curviceps Ahl, 1923 Aequidens curviceps (Ahl, 1923) Parvacara curviceps (Ahl, 1923)
Сістэматыка на Віківідах Пошук выяў на Вікісховішчы ITIS   648186 NCBI   74125 EOL   207630

Курвіцэ́пс (Laetacara curviceps) — від невялікіх рыб роду Laetacara сямейства Cichlidae, які жыве ў павольных рэках і ручаях, а таксама сажалках і азёрах басейна ракі Амазонка. Прадстаўнікоў віду звычайна ўтрымліваюць у акварыумах.

Апісанне

Даўжыня да 8 см, самкі — да 5 см. Цела высокае, сціснутае з бакоў, жаўтавата-зялёнае, часам зеленавата-карычневае з серабрыста-зеленавата-блакітным бляскам. Пасярэдзіне цела вялікая цёмная пляма. Спінныя і анальныя плаўнікі самцоў выцягнутыя. Брушныя плаўнікі сіняга колеру. На спінным, хваставым і анальным плаўніках маюцца сінія плямы.

Утрыманне ў няволі

У Еўропу рыбы завезены ў пачатку XX стагоддзя. Гэты від вельмі мірны ў параўнанні з большасцю іншых прадстаўнікоў сямейства і не вырывае расліны з коранем. Да якасці і складу вады не патрабавальныя. Жывуць у старой, слабамяккай (dGH да 13°) і кіслай (рн 6,5—7,0) вадзе, якая доўга не змяняецца. Тэмпературу вады пажадана падтрымліваць на ўзроўні 24—26 °C. Корм жывы, карміць пераважна расліннай ежай (эладэя, мох). Патрабуецца аэрацыя і фільтраванне вады, падмена 1/3 вады ў тыдзень.

Курвіцэпсы ідэальна падыходзяць для звычайных акварыумаў аб’ёмам 40 і больш літраў і даўжынёй больш за 50 см з іншымі мірнымі амазонскімі рыбамі.

Літаратура

• Энцыклапедыя прыроды Беларусі. У 5-і т. Т. 3. Катэнарыя — Недайка / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1984. — С. 112—113. — 588 с., іл. — 10 000 экз.