Няклея
| Няклея | |
|---|---|
| Морфаметрыя | |
| Вышыня над узроўнем мора | 140,2[1] м |
| Даўжыня | 3,04 км |
| Шырыня | 0,52 км |
| Плошча | 0,95 км² |
| Аб’ём | 0,00276 км³ |
| Даўжыня берагавой лініі | 9,18 км |
| Найбольшая глыбіня | 7,2 м |
| Сярэдняя глыбіня | 2,9 м |
| Гідралогія | |
| Тып мінералізацыі | прэснае |
| Салёнасць | да 0,15 ‰ |
| Празрыстасць | 1,8 м |
| Басейн | |
| Плошча вадазбору | 24,8 км² |
| Упадаюць | ручаі |
| Выцякаюць | рака Няклейка |
| Размяшчэнне | |
| Краіна |
 Беларусь |
| Рэгіён | Віцебская вобласць |
  Няклея |
|
|
|
|
 Няклея |
|
 |
|
Някле́я[2] — возера ў Беларусі, у Полацкім раёне Віцебскай вобласці ў басейне ракі Сосніца, за 37 км на паўночны ўсход ад Полацка, каля вёскі Труды.
Плошча паверхні 0,95 км². Даўжыня 3,04 км, найбольшая шырыня 0,52 км. Найбольшая глыбіня дасягае 7,2 м, сярэдняя 2,9 м. Аб’ём вады ў возеры 2,76 млн м³, мінералізацыя да 150 г/л, празрыстасць да 1,8 м. Плошча вадазбору 24,8 км².
Катлавіна возера лагчыннага тыпу, моцна выцягнутая з захаду на ўсход і складаецца з двух плёсаў. Найбольшыя глыбіні ва ўсходнім плёсе. Плёсы злучае пратока шырынёй 60 м і глыбінёй 3,6 м. Схілы катлавіны вышынёй да 5 м, спадзістыя, месцамі стромкія вышынёй да 10 м. Берагавая лінія звілістая. Берагі нізкія, пясчаныя. У паўднёвай і ўсходняй частках возера берагі зліваюцца са схіламі катлавіны. Падводная частка катлавіны карытападобнай формы. Мелкаводдзе займае каля 29 % плошчы возера, ва ўсходнім плёсе вузкае. Дно возера на мелкаводдзі выслана пяскамі і апясчаненымі адкладамі, на большых глыбінях — крэменязёмістым сапрапелем.
Возера эўтрофнае, слабапраточнае. У возера ўпадаюць ручаі, ручай з возера Талакнянік, выцякае рака Няклейка ў возера Жэльцы. Расліннасць распаўсюджваецца да глыбіні 2,2 м. Прыбярэжная надводная расліннасць распаўсюджваецца на адлегласці 3—50 метраў ад берага возера.
У возеры водзяцца лешч, шчупак, плотка, гусцяра, акунь і іншыя віды рыб.
Зноскі
- ↑ Ліст карты N-35-23. Выданне 1987 г. Стан мясцовасці на 1986 г. (руск.)
- ↑ Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11.
Літаратура
[правіць | правіць зыходнік]- Уласаў Б. П. Няклея // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз.
- Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11). — С. 407.
- Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 21. — 72 с. — 10 000 экз. — ISBN 978-985-508-136-5. (руск.)
- Республика Беларусь. Витебская область. Полоцкий район: карта / Ред. В. А. Змачинская. — Мн.: Белкартография, 2012. — 5 000 экз. (руск.)
- Ліст карты N-35-23. Выданне 1987 г. Стан мясцовасці на 1986 г. (руск.)
Спасылкі
[правіць | правіць зыходнік]- Общая характеристика озёр Витебской области // Справочник «Водные объекты Республики Беларусь» Архівавана 6 кастрычніка 2021. (руск.)
- Морфометрические параметры озёр Витебской области // Справочник «Водные объекты Республики Беларусь» Архівавана 8 сакавіка 2021. (руск.)