Палац Украіна (станцыя метро, Кіеў)

«Палац Украіна» укр.: Палац Україна
Абалонска-Тэрэмкоўская лінія
Кіеўскі метрапалітэн
Дата адкрыцця	30 снежня 1984 года
Праектная назва	Уладзімірская
Ранейшыя назвы	Чырвонаармейская
Раён	Пячэрскі раён
Тып платформаў	астраўная
Даўжыня платформаў, м	101
Узведзена	Кіеўметрабуд
Выхад да вуліц	Вялікай Васількоўскай, Нямецкай
Час адкрыцця	05:35
Код станцыі	220
Суседнія станцыі	Станцыя метро Алімпійская, Кіеў і Станцыя метро Лыбідска
Медыяфайлы на Вікісховішчы

«Палац Украіна» (укр.: «Пала́ц Украї́на», вымаўленне^ⓘ) — 26-я станцыя Кіеўскага метрапалітэна. Размешчана на Абалонска-Тэрэмкоўскай лініі, паміж станцыямі «Алімпійская» і «Лыбідская». Адкрыта 30 снежня 1984 года пад назвай «Чырвонаармейская». Цяперашняя назва — з 2 лютага 1993 года. Пасажырапаток — 21,0 тыс. чал./суткі.

Канструкцыя

Станцыя глыбокага залажэння. Мае тры падземныя залы — цэнтральную і дзве бакавыя з пасадачнымі платформамі. Залы станцыі злучаныя паміж сабой шэрагам праходаў-парталаў, якія чаргуюцца з пілонамі. Сярэдняя зала пры дапамозе эскалатарнага тунэлю з трохстужачным аднамаршавым эскалатарам злучана з падземным вестыбюлем, які выходзіць у падземны пераход пад Вялікай Васількоўскай вуліцай. Наземны вестыбюль адсутнічае.

Абсталяванне

Абсталяванне станцыі цалкам адпавядае яе ранейшай назве: пілоны з тарцамі з нержавеючай сталі абліцаваныя чырвонай смальтай, у тарцы цэнтральнай залы — кампазіцыя з выявай чырвонаармейца, шляхавыя сцены з чырвонымі зоркамі — эмблемамі Чырвонай і Савецкай Арміі на дзверцах кабельных шаф. У афармленні выкарыстаны шэраг вельмі цікавых прыёмаў. Пілоны станцыі параўнальна вузкія, іх кантавыя часткі пакрытыя нержавеючай сталлю, а бакавыя паверхні — рэльефнай чырвонай смальтай, стылізаванай пад полымя. У тарцы цэнтральнай залы — мазаічнае пано з выявай чырвонаармейца з вінтоўкай. Партал эскалатара і тунэльныя парталы на платформах таксама пакрытыя чырвонай смальтай.

На гэтай станцыі адначасова са станцыяй «Серпухаўская» Маскоўскага метрапалітэна была выкарыстаная эксперыментальная тэхналогія асвятлення на аснове святлавода. На абедзвюх станцыях эксперымент не атрымаўся, канструкцыя святлавода апынулася тэхнічна недасканалай і была заменена на колцавыя свяцільні, якія апынуліся лішнімі ў кіеўскім музеі Леніна (зараз — «Украінскі Дом»).

Улетку 2015 года, згодна з рашэннем Кіеўскай рады «Аб замене камуністычнай сімволікі на будынках і збудаваннях», на станцыі Палац Украіна закрыты мазаічнае пано «Чырвонаармеец» і дзве чаканкі — Зорка Чырвонай арміі і Зорка Савецкай арміі.

Фотаздымкі

• 
  Мазаіка ў тарцы цэнтральнай залы
• 
  Зорка Чырвонай Арміі на шляхавай сцяне
• 
  Зорка Савецкай Арміі на шляхавай сцяне
• 
  Свяцільні ў цэнтральнай зале
• 
  Пасадачная платформа ў бок «Лыбідскай»
• 
  Назва станцыі на шляхавай сцяне

Расклад адпраўлення цягнікоў

Адпраўка першага цягніка ў напрамку:

• ст. «Церамкі» — 05:57
• ст. «Герояў Дняпра» — 05:41

Адпраўка апошняга цягніка ў напрамку:

• ст. «Церамкі» — 00:25
• ст. «Герояў Дняпра» — 00:06

Расклад адпраўлення цягнікоў увечары (пасля 22:00) ў напрамку:

• ст. «Церамкі» — 22:33, 22:44, 22:56, 23:08, 23:20, 23:32, 23:44, 23:55, 0:05, 0:15, 0:25
• ст. «Герояў Дняпра» — 22:31, 22:43, 22:55, 23:07, 23:19, 23:31, 23:43, 23:55, 0:06

Спасылкі

• Звесткі на афіцыйным сайце Кіеўскага метрапалітэна(недаступная спасылка) (руск.)
• Старонка станцыі на неафіцыйным сайце Кіеўскага метрапалітэна Архівавана 19 красавіка 2017. (руск.)
• Палац Україна (станція метро) на ВЕК(недаступная спасылка) (укр.)