Абалонь (станцыя метро)

«Абалонь» укр.: Оболонь
Абалонска-Тэрэмкоўская лінія
Кіеўскі метрапалітэн
Дата адкрыцця	19 снежня 1980 года
Праектная назва	Абалонь І,Александра Карнейчука
Раён	Абалонскі
Тып платформаў	астраўная
Даўжыня платформаў, м	100
Шырыня платформаў, м	10
Узведзена	Кіеўметрабуд
Выхад да вуліц	Маршала Маліноўскага, Абалонскай плошчы, Абалонскага праспекта
Час адкрыцця	05:28
Код станцыі	212
Суседнія станцыі	Станцыя метро Мінская і Пачайна
Медыяфайлы на Вікісховішчы

«Абало́нь» (укр.: Оболо́нь, вымаўленне ) — 21-я станцыя Кіеўскага метрапалітэна. Размешчана на Абалонска-Тэрэмкоўскай лініі, паміж станцыямі «Пачайна» і «Мінская». Адкрыта 19 снежня 1980 года пад назвай «Праспект Карнейчука». Названа так па праспекту, які названы ў гонар украінскага саветскага пісьменніка і грамадскага дзеяча Аляксандра Карнейчука і які праходзіць над станцыяй. Цяперашняя назва ад жылога масіва, у якім размешчана станцыя — з 1993 года. Пасажырапаток — 38,9 тыс. чал./суткі (2009 год).

Канструкцыя

Станцыя дробнага залажэння. Мае падземную залу з астраўной пасадачнай платформай. Скляпенні залы абапіраюцца на два рады калон. Мае два выхады ў падземныя пераходы з павільёнамі з лёгкіх канструкцый на скрыжаванне Абалонскага праспекта і вуліцы Маршала Маліноўскага. Некалькі гадоў таму, заходні выхад падземнага пераходу, размешчанага на паўднёвым баку станцыі злучаны з уваходам у гандлёвы комплекс.

Абсталяванне

У пошуках аб'ёмна-прасторавага рашэння станцыі архітэктары імкнуліся стварыць гармонію паміж метро і навакольным асяроддзем: у пошуках сродкаў арганізацыі прасторы яны як бы працягнулі наземную магістраль сучаснага горада ў падземную. Шэрагі шасцігранных калон залы ствараюць агульнае ўражанне шырокага светлага праспекта. Над калонамі знаходзяцца апорныя бэлькі, на якіх размешчана закарнізнае і адкрытае асвятленне і дэкаратыўныя арнаментальныя пластыкавыя краты. Шляхавыя сцены станцыі аформленыя фрызамі на тэмы тэатра, літаратуры і мастацтва (так як станцыя была першапачаткова названая ў гонар пісьменніка і драматурга Аляксандра Карнейчука). Дапаўняюць мастацкае афармленне шэрагі шасцігранных калон з шэра-блакітнага і ружовага мармуру. Падлога абліцавана паліраванымі светла-шэрымі і чорнымі плітамі.

Галерэя

• 

  Інтэр'ер станцыі

• 

  Назва станцыі на шляхавай сцяне

• 

  Коўка на шляхавай сцяне

• 

  Коўка на шляхавай сцяне

Рэжым працы

Адкрыццё — 5:35, закрыццё — 0:06

Адпраўленне першага цягніка ў напрамкку:
ст. «Герояў Дняпра» — 5:59
ст. «Тэрэмкі» — 5:39

Адпраўленне апошняга цягніка ў напрамкку:
ст. «Герояў Дняпра» — 0:23
ст. «Тэрэмкі» — 0:09

Спасылкі

• Звесткі на афіцыйным сайце Кіеўскага метрапалітэна
• Старонка станцыі на неафіцыйным сайце Кіеўскага метрапалітэна Архівавана 19 красавіка 2017.
• Веб-энциклопедия Киева Архівавана 10 мая 2021. (укр.)