Рэм Іванавіч Салаухін

Рэм Іванавіч Салаухін
Дата нараджэння	19 лістапада 1930(1930-11-19)
Месца нараджэння	Гусь-Хрустальны, Гусь-Хрустальны раён[d], Іванаўская Прамысловая вобласць[d], РСФСР, СССР
Дата смерці	6 студзеня 1988(1988-01-06) (57 гадоў)
Месца смерці	Мінск, БССР, СССР
Грамадзянства	СССР
Род дзейнасці	фізік, выкладчык універсітэта
Навуковая сфера	механіка, прыкладная механіка, ядзерная фізіка, фізічная кінетыка і thermomechanics[d]
Месца працы	Навукова-даследчы інстытут імя Г. М. Кржыжаноўскага[d] Маскоўскі фізіка-тэхнічны інстытут Інстытут гідрадынамікі імя М. А. Лаўрэнцьева СА РАН[d] Інстытут ядзернай фізікі СА РАН[d] Інстытут тэарэтычнай і прыкладной механікі імя С. А. Хрысціяновіча СА РАН[d] Новасібірскі дзяржаўны ўніверсітэт БДУ Інстытут цепла- і масаабмену імя А. В. Лыкава
Навуковая ступень	доктар фізіка-матэматычных навук (1964)
Навуковае званне	прафесар (1965) акадэмік Акадэміі навук Беларускай ССР (1977) член-карэспандэнт АН СССР[d] (1968)
Альма-матар	фізічны факультэт МДУ[d] (1953)
Навуковы кіраўнік	Аляксандр Прадвадзіцелеў[d]
Член у	Акадэмія навук СССР
Прэміі
Узнагароды

Рэм Іванавіч Салау́хін (19 лістапада 1930 — 6 студзеня 1988) — беларускі савецкі фізік. Член-карэспандэнт АН СССР (1968) і Міжнароднай акадэміі астранаўтыкі (1968), акадэмік АН БССР (1977). Доктар фізіка-матэматычных навук (1964), прафесар (1965). Лаўрэат Ленінскай прэміі (1965).

Біяграфія

Нарадзіўся ў рабочым пасёлку Гусь-Хрустальны (сучасны горад ва Уладзімірскай вобласці Расіі). У 1953 годзе скончыў фізіка-матэматычны факультэт Маскоўскага дзяржаўнага ўніверсітэта. У 1953—1958 гг. працаваў у Энергетычным інстытуце акадэміі навук СССР. З 1959 года ў Сібірскім аддзяленні АН СССР — загадчык лабараторыяй у Інстытуце гідрадынамікі, намеснік дырэктара Інстытута ядзернай фізікі. У 1971—1976 гг. на пасадзе дырэктара Інстытута тэарэтычнай і прыкладной механікі. Прафесар Новасібірскага ўніверсітэта (1965—1977). У 1976—1987 гг. Р. І. Салаухін на пасадзе дырэктара Інстытута цепла- і масаабмену імя А. В. Лыкава Акадэміі навук БССР, адначасова (з 1977 года) — прафесар, загадчык кафедрай Беларускага дзяржаўнага ўніверсітэта.

Навуковая дзейнасць

Працаваў у галіне фізікі ўдарных хваляў, фізікі плазмы, квантавай электронікі, высокатэмпературнай газадынамікі. Даследаваў кінэтыку ўдарных хваляў, атрымаў важныя вынікі ў распрацоўцы і вывучэнні газадынамічных лазерных сістэм, вывучаў працэсы пераходу гарэння ў дэтанацыю. Прапанаваў метады вымярэння ціску, шчыльнасці, тэмпературы і іншых параметраў працэсаў ва ўдарных хвалях.

Аўтар больш за 140 навуковых прац, у тым ліку 5 манаграфій.

Сярод апублікаванага:

• Ударные волны и детонация в газах. — М., 1963.
• Методы скоростных измерений в газодинамике и физике плазмы — М., 1967. (у сааўтарстве)
• Макроскопические и молекулярные процессы в газовых лазерах — М., 1981 (у сааўтарстве)
• Газодинамические лазеры на смешении — Мн., 1984. (у сааўтарстве)

Узнагароды

• Ордэн Кастрычніцкай Рэвалюцыі (1980)
• 2 ордэны «Знак Пашаны» (1961, 1975)
• медалі
• Ленінская прэмія (1965 г., за даследаванні дэтанацыі ў газах).

Літаратура

• Салау́хін Рэм Іванавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 643. — 800 с. — 5 000 экз. — ISBN 985-11-0026-9.
• Салаухін Рэм Іванавіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 102. — 10 000 экз. — ISBN 985-11-0035-8. — ISBN 985-11-0238-5 (т. 14).
• Солоухин Рем Иванович (руск.) // Часопіс «Изобретатель». № 4 (196) 2016. — С. 45.

Спасылкі

• Профіль Рэма Іванавіча Салаухіна на афіцыйным сайце РАН
• Акадэмік САЛАУХІН Рэм Іванавіч // Нацыянальная акадэмія навук Беларусі
• Каляндар знамянальных і памятных дат па гісторыі Беларусі на 2015 год // Нацыянальны гістарычны архіў Беларусі
• Рэм Іванавіч Салаухін у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.)