Будапешцкі ўніверсітэт

Будапешцкі ўніверсітэт імя Лоранда Этвёша венг. Eötvös Loránd Tudományegyetem
ELTE
Заснаваны:	1635
Рэктар:	Феранц Худэц
Размяшчэнне:	Будапешт
http://www.elte.hu/

Карпусы ўніверсітэта на беразе Дуная

Корпус факультэта права і палітычных навук

Будапешцкі ўніверсітэт (Універсітэт імя Ло́ранда Э́твеша) — найбуйнейшы ўніверсітэт Венгрыі.

Гісторыя

У 1635 годзе ў Трнаве (сучасная Славакія) кардынал Петэр Пазмань заснаваў універсітэт з двума факультэтамі — вольных мастацтваў і тэалогіі. У 1667 годзе быў створаны юрыдычны факультэт. У 1777 годзе ўніверсітэт з Трнавы быў пераведзены ў Буду, а ў 1784 годзе — у Пешт. Да 1844 года выкладанне ва ўніверсітэце вялося на лацінскай мове. З 1895 года ва ўніверсітэце атрымалі магчымасць навучацца і жанчыны. У 1921—1950 універсітэт насіў імя свайго заснавальніка Петэра Пазманя, а ў 1950 годзе быў названы ў гонар фізіка Лоранда Этвеша.

Склад

Факультэты

Па стане на пачатак 2011 года існуюць 8 факультэтаў:

• Факультэт права і палітычных навук
• Факультэт сацыяльных навук
• Факультэт гуманітарных навук
• Факультэт прыродазнаўчых навук
• Факультэт інфарматыкі
• Факультэт адмысловага навучання
• Факультэт педагогікі і псіхалогіі
• Факультэт педагогікі пачатковай школы

Вядомыя выпускнікі

• М. Бабіч — венгерскі паэт, пісьменнік і перакладчык
• З. Кодай — венгерскі кампазітар, музыкант і тэарэтык музыкі

Спасылкі

• На ВікіСховішчы ёсць медыяфайлы па тэме Будапешцкі ўніверсітэт
• Афіцыйны сайт універсітэта (венг.)  (англ.)  (ням.)