Васіль Данілавіч Сакалоўскі
Васіль Данілавіч Сакалоўскі (1897 — 1968) — савецкі военачальнік, Маршал Савецкага Саюза (3 ліпеня 1946). У час Вялікай Айчыннай вайны — начальнік штаба розных франтоў, якімі камандаваў Жукаў, пасля вайны вядомы як тэарэтык, аўтар працы «Ваенная стратэгія».
Да вайны [правіць]
Нарадзіўся 9 ліпеня 1897 г у вёсцы Козлікі Гродзенскай губерні, у цяперашні час на тэрыторыі Польшчы.
На ваеннай службе з 1918 года. Скончыў Ваенную акадэмію РККА (1921), Вышэйшыя акадэмічныя курсы (1928). Падчас Грамадзянскай вайны ваяваў на Усходнім, Паўднёвым і Каўказскім франтах, камандаваў ротай, узначальваў штаб батальёна, быў памочнікам камандзіра і камандзірам палка, старшым памочнікам начальніка штаба стралковай дывізіі, камандзірам брыгады і начальнікам штаба 32-й стралковай дывізіі.
