Востраў Фліндэрс
| Фліндэрс | |
 |
|
| Каардынаты: | |
| Акваторыя | Басаў праліў |
| Краіна |  Аўстралія |
| АА першага ўзроўня | Тасманія |
  Фліндэрс
|
|
 Фліндэрс
|
|
| Плошча | 1 333 км² |
| Найвышэйшы пункт | 756 м |
| Насельніцтва (2004) | 900 чал. |
| Шчыльнасць насельніцтва | 0,675 чал./км² |
Востраў Фліндэрс (англ.: Flinders Island) — востраў у праліве Баса, які ляжыць у 20 км на паўночны ўсход ад вострава Тасманія. Найбуйнейшы востраў у групе астравоў Фюрно. Уваходзіць у склад штата Тасманія. Плошча вострава – каля 1333 км2. Вышэйшая кропка – гара Стшалецкага (756 м). Найбуйнейшыя населеныя пункты – Уайтмарк (англ.: Whitemark) і Лэдзі-Бэран (англ.: Lady Barron).
Геаграфія [правіць]
У геалагічнай будове вострава Фліндэрс пераважаюць горныя хрыбты, якія складзеныя з гранітных парод і займаюць трэць усяго вострава. Найбольш буйныя з іх — града Стшалецкага (англ.: Strezelecki Range), Дарлінг (англ.: Darling Range), гара Кілікрэнкі (англ.: Mount Killiecrankie) і Патрыярх (англ.: The Patriarchs).
Прыкладна палова вострава ўяўляе сабою прыбярэжныя выдмы з роднаснымі глебавымі адкладамі, якія фармуюць раўніну ва ўсходняй частцы вострава Фліндэрс і вузкую паласу на заходнім узбярэжжы. У шматлікіх нізінных месцах са мноствам лагун можна знайсці эстуарыявыя пласты з пяску, гліны і галькі. Вышэйшая кропка вострава Фліндэрс — гара Стшалецкага (756 м). Іншыя пікі дасягаюць вышыні 400 м.
Мноства невялікіх рачных струменяў, якія бягуць у бок берага, утвараюць пераважны малюнак гідраграфічнай сеткі. Найбуйнейшыя рэкі, якія бяруць пачатак у сельскагаспадарчых землях, цякуць у бок усходняга ўзбярэжжа і ўпадаюць у чатыры вузкіх марскіх заліва. Шматлікія рэкі з'яўляюцца толькі пасля моцных дажджоў, што звязана з маленькай даўжынёй рэк і крутасцю мясцовасці, па якой яны цякуць.
Уздоўж усходняга берага вострава Фліндэрс размешчана мноства прыбярэжных лагун. З-за рознай колькасці ападкаў, вышыннасці, геалагічнай будовы і ландшафту на астравах вялікая разнастайнасць глеб і формаў расліннасці. Уздоўж прыбярэжных выдмаў пераважаюць глебы з вялікім утрыманнем вапны, на якіх растуць нізкарослыя хмызнякі і нізінныя дрэвы. На мяккахвалістых раўнінах у заходняй частцы вострава пераважае монафракцыёны пясок і неаднастайныя глебы, на якіх растуць эўкаліпты.
