Уільям Хоўвард Стайн

З пляцоўкі Вікіпедыя
Перайсці да: рух, знайсці

Уільям Хоўвард Стайн, таксама Стэйн (анг.: William Howard Stein; 25 чэрвеня 1911, Нью-Ёрк2 лютага 1980, Нью-Ёрк) — амерыканскі біяхімік, член Нацыянальнай акадэміі навук ЗША і Амерыканскай акадэміі мастацтваў і навук.

Біяграфія[правіць | правіць зыходнік]

Скончыў Гарвардскі ўніверсітэт (1933), атрымаў ступень доктара філасофіі ў Медыцынскім і хірургічным каледжы Калумбійскага ўніверсітэта (1938). З 1938 года працуе ў Ракфелераўскім універсітэце (Нью-Ёрк), з 1955 года - прафесар біяхіміі. У 1968-1971 гадах быў рэдактарам часопіса Journal of Biological Chemistry.

Асноўныя работы[правіць | правіць зыходнік]

Асноўныя работы па аналітычнай хіміі бялкоў і ферментаў. Распрацаваў колькасны метад вызначэння амінакіслот, заснаваны на іонаабменнай храматаграфіі, упершыню ўстанавіў (сумесна з іншымі) першасную структуру фермента рыбануклеазы, даследаваў будову актыўных цэнтраў ферментаў.

Нобелеўская прэмія[правіць | правіць зыходнік]

Нобелеўская прэмія па хіміі (1972, сумесна з С. Мурам і К. Анфінсенам).

Літаратура[правіць | правіць зыходнік]

  • Беларуская энцыклапедыя: У 18 т. Т.15: Следавікі — Трыо / Рэдкал.: Г. П. Пашкоў і інш — Мн.: БелЭн, 2002. — Т. 15. — 552 с. — 10 000 экз. — ISBN 985-11-0251-2 (Т. 15).