Флюарыт

Флюарыт
Крышталі флюарыту (блакітны) і пірыту (залацісты)
Формула	Фтарыд кальцыя CaF2
Сінгонія	Кубічная
Колер	Белы ці бясколерны, фіялетавы, сіні, сіне-зялёны, жоўты, карычнева-жоўты ці чырвоны
Колер рысы	Белая
Бляск	Шкляны
Цвёрдасць	4
Спайнасць	Дасканалая па {111}
Шчыльнасць	3,18 г/см³
Паказчык пераламлення	1,433—1,435

Флюары́т (ад лац.: fluor цячэнне), плавікавы шпат, мінерал, які належыць да фтарыдаў, фтарыд кальцыю CaF₂, можа ўтрымліваць дамешкі рэдказямельных элементаў. Утварае кубічныя крышталі, іх зросткі, зярністыя, валакністыя, масіўныя агрэгаты, зямлістыя масы. Колер жоўты, зялёны, фіялетавы, чорны, бясколерны і інш. Цвёрдасць 4, шчыльнасць ад 2,95 да 3,8 г/см³.

Трапляецца ў магматычных пародах, гідратэрмальных жылах, даламітах, вапняках.

Флюарыт выкарыстоўваецца ў металургіі, як крыніца фтору і яго злучэнняў, у шкляной прамысловасці.

Радовішчы флюарыту ёсць у Расіі, ЗША, Украіне, Германіі, Вялікабрытаніі і інш.