Юзаф Пешка

З пляцоўкі Вікіпедыя
Перайсці да: рух, знайсці
Юзаф Пешка
Імя пры нараджэнні:

Józef Peszka

Дата нараджэння:

19 лютага 1767(1767-02-19)

Месца нараджэння:

Кракаў

Дата смерці:

4 верасня 1831(1831-09-04) (64 гады)

Месца смерці:

Кракаў

Commons-logo.svg Працы на Вікісховішчы

Юзаф Пешка (польск.: Józef Peszka; 19 лютага 17674 верасня 1831, Кракаў) — жывапісец, прадстаўнік акадэмічнага класіцызму. Творчасць звязана з мастацкім жыццём Беларусі і Расіі.

Біяграфія[правіць | правіць зыходнік]

Вучыўся ў Д. Эстрэйхера ў Кракаве, з 1786 ў Ф. Смуглевіча ў Варшаве. У 1793-1812 жыў у Гродне, Мінску, Вільні, Маскве, Пецярбургу; Часта наведваў Магілёў, Нясвіж. Ліду, Смілавічы, Дукору. Магістр прыгожых мастацтваў (пасля 1810). У 1812 годзе вярнуўся Кракаў, з 1815 года — прафесар жывапісу і малюнка ў Школе прыгожых мастацтваў.

Удзельнічаў у афармленні Міхайлаўскага палаца ў Пецярбургу (каля 1800-07). Аўтар алегарычных і гістарычных кампазіцый: «Пастрыжэнне Мечыслава I», «Устанаўленне пагранічных слупоў Мечыславам I», «Баляслаў Крывавусты нападае на памораў», «Смерць Баляслава Крывавустага», «Арыстыд піша сам сабе загад на выгаанне», «Перамога Сабескага пад Венай», «Хрыстос перад Пілатам», «Называнне Кракава вольным горадам», «Напалеон на кані». Пісаў партрэты (А. Чартарыйскага, К. Сапегі, С. Солтана, І. Закрэўскага, сям'і Манюшкаў, аўтапартрэт), пейзажы, у т.л. серыі відаў Мінска, Віцебска, Магілёва, Нясвіжа, Навагрудка, Ліды і інш. Малюнкі выкананыя акварэллю, акрамя гродзенскіх, зробленых тушшу, на аркушах паперы 45×70 см.

Яго пейзажы, а таксама серыя гарадскіх краявідаў - ведута - з'яўляюцца асабліва каштоўнымі для вывучэння архітэктуры Мінска.[1]

Галерэя[правіць | правіць зыходнік]

Зноскі

  1. Пешка Юзаф // Памяць: Гіст.-дакум. хроніка Мінска... С. 475

Літаратура[правіць | правіць зыходнік]

Спасылкі[правіць | правіць зыходнік]