Ян Кароль Копаць

Ян Караль Копаць
Ян Караль Копаць
	; Герб «Роля»
Кашталян троцкі
	1670 — 1 мая 1681
Папярэднік	Ян Себасцьян Кэнштарт
Пераемнік	Цыпрыян Павел Бжастоўскі
Ваявода полацкі
	1658 — 1670
Папярэднік	Аляксандр Людвік Радзівіл
Пераемнік	Казімір Ян Сапега
Нараджэнне	каля 1633; Варшава, Варшаўская зямля[d], Мазавецкае ваяводства, Велікапольская правінцыя, Карона Каралеўства Польскага, Рэч Паспалітая;
Смерць	1 мая 1681
Род	Копці
Бацька	Васіль Васілевіч Копаць
Маці	Барбара Хадкевіч
Жонка	Лукрэцыя Марыя Строцы
Дзеці	Францішка, Ганна

Дагледжаная версія гэтай старонкі, зацверджаная 26 мая 2019, была заснавана на гэтай версіі.

Ян Караль Копаць (? — 1 мая 1681) — дзяржаўны дзеяч Вялікага Княства Літоўскага.

Біяграфія

У 1630-1640-я годы вучыўся ў Навадворскай акадэміі ў Кракаве, Кракаўскай акадэміі, Падуанскім універсітэце.

Староста берасцейскі ў 1652—1665 і 1670—1680. Вялікі літоўскі чашнік у 1656—1658 і падстолі ў 1658, ваявода полацкі з 1658; пасол на соймы 1648, 1650, 1653.

У палітычнай дзейнасці цесна звязаны з ваяводам віленскім і вялікім гетманам літоўскім Паўлам Янам Сапегам, нясвіжскім ардынатам Міхалам Казімірам Радзівілам. У 1664-1665 падтрымліваў групоўку Пацаў, выступаў разам з імі за пажыццёвае абранне караля. У 1660-я годы стаў дзяржаўцам дрыскім, бельскім, ковенскім, атрымаў Гарадзенскую эканомію.

Незадаволеная ім полацкая шляхта выступіла ў падтрымку Багуслава Радзівіла, прызначанага полацкім ваяводам яшчэ ў 1654; спрэчка паміж імі скончылася пераводам у 1670 Яна Караля на пасаду кашталяна троцкага.

У 1672 быў маршалкам Трыбунала Вялікага Княства Літоўскага.

Сям'я

Паходзіў з роду Копцяў, сын Васіля Копця і Барбары Хадкевіч, дачкі кашталяна віленскага Гераніма Хадкевіча.

Ажаніўся з Лукрэцыяй Марыяй Строцы, удавой полацкага ваяводы Аляксандра Людвіка Радзівіла. З ёй меў дзвюх дачок:

Францішку (? — 1690), якая выйшла за троцкага ваяводу Казіміра Уладзіслава Сапегу;
Ганну, якая выйшла спачатку за падольскага ваяводу Станіслава Лужэцкага, а потым за вялікага пісара літоўскага Канстанціна Яна Шуйскага.

Крыніцы

Копці // Вялікае княства Літоўскае: Энцыклапедыя. У 3 т.. — Мн.: Беларуская Энцыклапедыя.