Савет Міністраў БССР
| Савет Міністраў Беларускай ССР | |
|---|---|
| скарочана — СМ БССР | |
.svg) | |
Агульная інфармацыя |
|
| Краіна | |
| Юрысдыкцыя | БССР |
| Дата стварэння | 26 сакавіка 1946 |
| Папярэдняе ведамства | Савет Народных Камісараў БССР (1920—1946) |
| Дата скасавання | 19 верасня 1991 |
| Заменена на | Савет Міністраў Рэспублікі Беларусь |
| Кіраўніцтва дзейнасцю ажыццяўляе | Вярхоўны Савет БССР |
| Першы Старшыня | Панцеляймон Панамарэнка |
| Апошні Старшыня | Вячаслаў Кебіч |
Саве́т Міні́страў Белару́скай ССР — Урад Беларускай ССР — вышэйшы выканаўчы і распарадчы орган дзяржаўнай улады Беларускай Савецкай Сацыялістычнай Рэспублікі, з 1946 года да моманту скасавання рэспублікі.
Узнікненне
Савет Міністраў БССР быў заснаваны Указам Прэзідыума ВС БССР ад 26 сакавіка 1946 года, замест СНК БССР.
Гэта было выклікана тым, што раней (15 сакавіка 1946 года) выйшаў Закон СССР «Аб пераўтварэнні Савета Народных Камісараў СССР у Савет Міністраў СССР і Саветаў Народных Камісараў саюзных і аўтаномных рэспублік — у Саветы Міністраў саюзных і аўтаномных рэспублік »[1].
Паўнамоцтвы і функцыянаванне
Згодна з Канстытуцыі Беларускай Савецкай Сацыялістычнай Рэспублікі, Савет Міністраў Беларускай ССР утвараўся Вярхоўным Саветам Беларускай ССР у складзе Старшыні Савета Міністраў Беларускай ССР, Першага намесніка і намеснікаў Старшыні, міністраў Беларускай ССР, старшыняў дзяржаўных камітэтаў Беларускай ССР.
Па прадстаўленню Старшыні Савета Міністраў Беларускай ССР Вярхоўны Савет Беларускай ССР мог уключыць у склад Урада Беларускай ССР кіраўнікоў іншых органаў і арганізацый Беларускай ССР.
Савет Міністраў Беларускай ССР з'яўляўся падсправаздачным і адказным перад Вярхоўным Саветам Беларускай ССР, а ў перыяд паміж яго сесіямі — перад Прэзідыумам Вярхоўнага Савета Беларускай ССР. Савет Міністраў Беларускай ССР быў абавязаны рэгулярна даваць справаздачу аб сваёй рабоце Вярхоўнаму Савету Беларускай ССР, і скласці свае паўнамоцтвы перад нававыбраным Саветам на яго першай сесіі.
Да паўнамоцтваў Савета Міністраў Беларускай ССР адносілася рашэнне ўсіх пытанняў дзяржаўнага кіравання, аднесеных да ведання Беларускай ССР, бо яны не ўваходзілі, згодна з Канстытуцыяй, у кампетэнцыю Вярхоўнага Савета Беларускай ССР і Прэзідыума Вярхоўнага Савета Беларускай ССР.
У якасці пастаяннага органа Савета Міністраў Беларускай ССР, дзеючага паміж яго сесіямі, працаваў Прэзідыум Савета Міністраў Беларускай ССР у саставе Старшыні Савета Міністраў Беларускай ССР, Першага намесніка і намеснікаў Старшыні Савета Міністраў Беларускай ССР, а таксама іншых членаў Урада ў адпаведнасці з законам аб Савеце Міністраў Беларускай ССР. Ён быў неабходны для вырашэння пытанняў, звязаных з забеспячэннем кіраўніцтва народнай гаспадаркай, і іншых пытанняў дзяржаўнага кіравання.
Савет Міністраў Беларускай ССР выдаваў пастановы і распараджэнні на аснове і ў мэтах выканання заканадаўчых актаў СССР і Беларускай ССР, пастаноў і распараджэнняў Савета Міністраў СССР, арганізоўваў і правяраў іх выкананне. Пастановы і распараджэнні Савета Міністраў Беларускай ССР былі абавязковымі для выканання на ўсёй тэрыторыі Беларускай ССР.
Структура
Па стану на ліпень 1990 года Савет Міністраў БССР складаўся з:
- Старшыня Савета Міністраў БССР
- Першы намеснік Старшыні Савета Міністраў БССР
- Намеснік Старшыні Савета Міністраў БССР, Старшыня Дзяржаўнага камітэта БССР па эканоміцы і планаванню
- Намеснік Старшыні Савета Міністраў БССР, Старшыня Дзяржаўнага камітэта БССР па ліквідацыі наступстваў аварыі на Чарнобыльскай АЭС
- Намеснік Старшыні Савета Міністраў БССР, Старшыня Дзяржаўнага камітэта БССР па сельскай гаспадарцы і харчаванні
- Намеснік Старшыні Савета Міністраў БССР, якi загадвае пытаннямі сацыяльнай сферы
- Намеснік Старшыні Савета Міністраў БССР, якi загадвае пытаннямі галін вытворчай інфраструктуры
- Намеснік Старшыні Савета Міністраў БССР, Старшыня Дзяржаўнага камітэта БССР па справах будаўніцтва
- Намеснік старшыні Савета Міністраў БССР, Старшыня Дзяржаўнага камітэта БССР па матэрыяльна-тэхнічным забеспячэнні
- Намеснік Старшыні Савета Міністраў БССР, якi загадвае пытаннямі гандлю, бытавога абслугоўвання насельніцтва, кааператыўнай і індывідуальнай працоўнай дзейнасці
- Кіраўнік спраў Савета Міністраў БССР
- Міністэрствы:
- Міністэрства аховы здароўя БССР
- Міністэрства будаўніцтва і эксплуатацыі аўтамабільных дарог БССР
- Міністэрства воднай гаспадаркі і аднаўлення зямель БССР
- Міністэрства гандлю БССР
- Міністэрства жыллёва-камунальнай гаспадаркі БССР
- Міністэрства замежных спраў БССР
- Міністэрства культуры БССР
- Міністэрства лёгкай прамысловасці БССР
- Міністэрства лясной гаспадаркі БССР
- Міністэрства лясной прамысловасці БССР
- Міністэрства народнай адукацыі БССР
- Міністэрства прамысловасці БССР
- Міністэрства прамысловасці будаўнічых матэрыялаў БССР
- Міністэрства сацыяльнага забеспячэння БССР
- Міністэрства сувязі БССР
- Міністэрства транспарту БССР
- Міністэрства ўнутранных спраў БССР
- Міністэрства фінансаў БССР
- Міністэрства хлебапрадуктаў БССР
- Міністэрства юстыцыі БССР
- Міністр БССР па справах моладзі
- Міністр БССР па сувязях з грамадскімі і рэлігійнымі арганізацыямі
- Дзяржаўныя камітэты:
- Камітэт дзяржаўнай бяспекі БССР
- Дзяржаўны камітэт БССР па друку
- Дзяржаўны камітэт БССР па ліквідацыі наступстваў аварыі на Чарнобыльскай АЭС
- Дзяржаўны камітэт БССР па матэрыяльна-тэхнічным забеспячэнні
- Дзяржаўны камітэт БССР па наглядзе за бяспечным вядзеннем работ у прамысловасці і атамнай энергетыцы
- Дзяржаўны камітэт БССР па паліву і газіфікацыі
- Дзяржаўны камітэт БССР па працы і сацыяльнай абароне насельніцтва
- Дзяржаўны камітэт БССР па сельскай гаспадарцы і харчаванні
- Дзяржаўны камітэт БССР па справах будаўніцтва
- Дзяржаўны камітэт БССР па статыстыцы i аналiзу
- Дзяржаўны камітэт БССР па тэлебачанні і радыёвяшчанню
- Дзяржаўны камітэт БССР па фізічнай культуры і спорце
- Дзяржаўны камітэт БССР па экалогіі
- Дзяржаўны камітэт БССР па эканоміцы і планаванню
Старшыні Савета Міністраў БССР
Кіраўніком Савета Міністраў БССР, згодна з Канстытуцыяй Беларускай ССР, з'яўляўся Старшыня Савета Міністраў БССР:
- Панцеляймон Панамарэнка (26 сакавіка 1946 — 17 сакавіка 1948)
- Аляксей Кляшчоў (сакавік 1948 — чэрвень 1953)
- Кірыл Мазураў (24 ліпеня 1953 — 28 ліпеня 1956)
- Мікалай Аўхімовіч (28 ліпеня 1956 — 9 красавіка 1959)
- Ціхан Кісялёў (9 красавіка 1959 — 11 снежня 1978)
- Аляксандр Аксёнаў (11 снежня 1978 — 8 ліпеня 1983)
- Уладзімір Бровікаў (8 ліпеня 1983 — 10 студзеня 1986)
- Міхаіл Кавалёў (10 студзеня 1986 — 7 красавіка 1990)
- Вячаслаў Кебіч (7 красавіка 1990 — 18 верасня 1991)
Кіраўнікі справамі
- Іван Казлоў (1961 — 1969)
- Фёдар Самбук (1969 — 1980)
- Леў Максімаў (1980 — 1990)
- Мікалай Каўко (1990 — 1991)
Зноскі
- ↑ Закон СССР ад 15 сакавіка 1946 «Аб пераўтварэнні Савета Народных Камісараў СССР у Савет Міністраў СССР і Саветаў Народных Камісараў саюзных і аўтаномных рэспублік — у Саветы Міністраў саюзных і аўтаномных рэспублік»