Зміцер Дрозд

Зміцер Міхайлавіч Дрозд
Файл:Zmicerdrozd.jpg
Асабістыя звесткі
Дата нараджэння	26 сакавіка 1973
Месца нараджэння	Дразды, Мінскі раён, Мінская вобласць, БССР, СССР
Грамадзянства	Беларусь
Альма-матар	Мінскі тэхналагічны тэхнікум (1992) гістарычны факультэт БДУ (2005)
Прафесійная дзейнасць
Род дзейнасці	публіцыст, пісьменнік, гісторык, фатограф, архівіст
Прэміі	Прэмія імя Францішка Аляхновіча
Медыяфайлы на Вікісховішчы

Зміцер Міхайлавіч Дрозд (нар. 26 сакавіка 1973, в. Дразды, Мінскага р-на, Мінскай вобл., цяпер у складзе Мінска) — беларускі гісторык, архівіст, публіцыст, паэт.

Біяграфія

Нарадзіўся 26 сакавіка 1973 г. у в. Дразды, дзе з канца XIX ст. жылі яго продкі. Значная частка продкаў і іх сваякоў пастраждала падчас сталінскіх рэпрэсій.

У 1992 г. скончыў Мінскі тэхналагічны тэхнікум па спецыяльнасці «Фотатэхніка». У 2005 г. - гістарычны факультэт БДУ па спецыяльнасці «Музейная справа і ахова гісторыка-культурнай спадчыны».

Падчас выбарчай кампаніі 2010 г. быў удзельнікам ініцыятыўнай групы Андрэя Саннікава.

У 2010 годзе выйшла яго грунтоўная праца «Землевладельцы Минской губернии 1861-1900». У 2013 г. працяг - «Землевладельцы Минской губернии 1900-1917».

У жніўні 2016 г. стварыў Практычную школу пошуку рэпрэсаваных.

У 2016 годзе стаў лаўрэатам Нацыянальнай праваабарончай прэміі ў намінацыі «Журналіст года».

У 2017 годзе стаў лаўрэатам прэміі ім. Францішка Аляхновіча за кнігу «Бунт Батанікаў».

Аўтар шэрагу публікацый для выданняў «Наша Ніва», «Беларускі дакументацыйны цэнтр», «Хартыя 97», «Культура».

Арышт і зняволенне

За ўдзел у Плошчы-2010 быў асуджаны і адбыў 10 сутак адміністратыўнага арышту. Пасля вызвалення зноў арыштаваны. 1 лютага 2011 г. быў узяты пад варту на 3 сутак як падазраваны па ч. 2 арт. 293 Крымінальнага кодэкса.

Утрымліваўся ў СІЗА № 1 г. Мінска на вул. Валадарскага.

5 мая 2011 асуджаны на 3 гады зняволеньня, якое адбываў у калоніі г. Бабруйска.

Вызвалены 11 жніўня 2011 г. пасля памілавання кіраўніком дзяржавы.

Пазней дадзеныя падзеі былі адлюстраваны ў яго аўтабіяграфічнай кнізе «Бунт Батанікаў».

Бібліяграфія

Кнігі

• «Евангелие Дмитрия», [книга стихов], 100 экз. 1997.

• Землевладельцы Минской губернии, 1861―1900 : справочник / Дмитрий Дрозд. — Минск : Медисонт, 2010. — 671 с. 300 экз. 2-е изд., исправленное и дополненное (полные именной и географический указатели). Медисонт, 2012.— 709 с. 100 экз.

• Землевладельцы Минской губернии, 1900—1917 : справочник / Дмитрий Дрозд. — Минск : Медисонт, 2013. — 692 с. 500 экз.

• Падымныя рэестры Менскага ваяводства. Менскі павет, 1775 Reјestry podymnego województwa mińskiego. Powiat miński, 1775 / укладальнік Дзм. Дрозд; [аўтар уступнага артыкула, нав. рэд. Д. В. Лісейчыкаў; рэдактар польскага тэксту Г. Дадас]. — Мінск : Медысонт, 2014. — 197 с. 50 экз.

• Заречье. Веды воды: [книга стихов и фотографий] / Дмитрий Дрозд; Минск : Медисонт, 2016. 274 стр. цв. фот. 14х21 см. 9 экз.

• Бунт Ботаников / Дмитрий Дрозд. — Вильнюс : Белорусский документационный центр, 2017. 50 экз. Электронная книга. 474 с.: цв. и ч/б ил.

• Бунт Батанікаў : дзённік / Зміцер Дрозд. — Мінск, 2017. — 258 с. : іл. — (Серыя «Беларуская турэмная літаратура» ; вып. 1). Мінск. 2017. Наклад 500 ас.

• Место расстрела: Орша / Автор и сост. Дм. Дрозд. — Вильнюс : Белорусский документационный центр, 2018. Электронная книга. 474 с. : цв. ил., табл. Vilnius.

• Таямніцы Дуніна-Марцінкевіча / Зміцер Дрозд. — Вільнюс : Беларускі дакументацыйны цэнтр, 2018. 572 с. : каляровыя [8] і ч/б [16] іл.

Анталогіі

• Голас волi з-за кратаў. Анталогiя твораў беларускiх палiтзняволеных / Складальнiк, рэдактар А.I. Фядута. – Вiльня: ЕГУ, 2013. 992 с.