Алена Мікалаеўна Барун
Алена Мікалаеўна Барун | |
---|---|
Дата нараджэння | 23 чэрвеня 1977 |
Месца нараджэння | |
Грамадзянства | Беларусь |
Род дзейнасці | выкладчыца ўніверсітэта, вучоная |
Навуковая сфера | гісторыя |
Месца працы | Полацкі дзяржаўны ўніверсітэт |
Навуковая ступень | кандыдат гістарычных навук |
Навуковае званне | |
Альма-матар | Полацкі дзяржаўны ўніверсітэт |
Навуковы кіраўнік | Андрэй Аляксандравіч Гарбацкі |
Алена Мікалаеўна Барун (нар. 23 чэрвеня 1977) — беларускі гісторык, педагог, кандыдат гістарычных навук.
Біяграфічныя звесткі
Скончыла ў 1999 годзе гісторыка-філалагічны факультэт Полацкага дзяржаўнага ўніверсітэта па спецыяльнасці «Гісторыя», атрымаўшы дыплом з адзнакай. У 2009 годзе там жа абараніла магістарскую дысертацыю па спецыяльнасці «Айчынная гісторыя». У 2001-2004 гадах навучалася ў аспірантуры Брэсцкага дзяржаўнага ўніверсітэта імя А. С. Пушкіна.
Дысертацыю на саісканне вучонай ступені кандыдата гістарычных навук па спецыяльнасці «Айчынная гісторыя» абараніла 13 мая 2015 года ў Інстытуце гісторыі Нацыянальнай акадэміі навук Беларусі. Тэма дысертацыі: «Праваслаўныя манастыры на тэрыторыі Беларусі: прававы статус і сацыяльна-культурная дзейнасць (1938-1917 гг.)». Рацэннем ВАК Рэспублікі Беларусь ёй было прысвоена вучонае званне дацэнта па спецыяльнасці «Гісторыя».
З часу заканчэння ўніверсітэта і па сёняшні дзень працуе ў Полацкім дзяржаўным універсітэце: з'яўлялася асістэнтам, старэйшым выкладчыкам, дацэнтам кафедры філасофіі (1999-2007), сацыяльна-гуманітарных дысцыплін (2008-2016). Сёння з'яўляецца загадчыкам кафедры фізічнай культуры і спорту гуманітарнага факультэта Полацкага дзяржаўнага ўніверсітэта.
Праходзіла навукова-даследчыя стажыроўкі ў Інстытуце гісторыі Літвы (Літва), Даўгаўпілскім універсітэце (Латвія), Беларускім дзяржаўным педагагічным універсітэце імя Максіма Танка (Беларусь) і інш.
Член Рэспубліканскага вучэбна-метадычнага аб'яднання па адукацыі ў галіне фізічнай культуры. Намеснік выканаўчага дырэктара па рабоце ў Віцебскай вобласці Рэспубліканскай грамадскай арганізацыі «Беларускае рэспубліканскае геранталагічнае грамадскае аб'яднанне».
Навуковая дзейнасць
Займаецца вывучэннем царкоўнай гісторыі і гісторыі рэлігійна-канфесійных адносін на беларускіх землях у ХІХ - пачатку ХХ стагоддзяў. Вывучае гісторыю праваслаўя на Беларусі, гісторыю манаскіх супольнасцяў і іх сацыяльную і культурную дзейнасць на тэрыторыі Беларусі, сацыяльны склад, структуру, арганізацыю і матэрыяльны стан. Даследуе гісторыю храмаў і манастыроў Полацка, страчаныя архітэктурныя аб'екты сакральнай гісторыі Полацка і Паўночнай Беларусі і інш.
Бібліяграфія
Выбраныя навуковыя артыкулы
- Борун, Е. Н. Полоцкий Спасо-Евфросиниевский женский монастырь: век XX (исторический очерк) / Е. Н. Борун // Веснік Полацкага дзяржаўнага ўніверсітэта. Серыя А. Гуманітарныя навукі. – 2005. – № 7. – С. 17–21.
- Борун, Е. Н. Монашеские общины города Полоцка: история, организация управления, характеристика братств в середине XIX – начале XX веков / Е. Н. Борун // Веснік Полацкага дзяржаўнага ўніверсітэта. Серыя А. Гуманітарныя навукі. – 2010. – № 1. – С. 57–65.
- Борун, Е. Н. Социально-каритативная деятельность православных монастырей на территории Беларуси во второй четверти XIX – начале XX вв. / Е. Н. Борун // Веснік Брэсцкага універсітэта. Серыя 2. Гісторыя, эканоміка, права. – 2013. – № 1. – С. 65–76.
- Борун, Е. Н. Государственно-правовое регулирование деятельности православных монастырей на территории Беларуси во второй четверти XIX –
начале XX веков / Е. Н. Борун // Веснік Брэсцкага універсітэта. Серыя 2. Гісторыя, эканоміка, права. – 2014. – № 1. – С. 60–67.
- Борун, Е. Н. Православные монастыри на территории Беларуси (1839–1917 гг.): структура и социально-культурная деятельность / Е. Н. Борун // Веснік Полацкага дзяржаўнага ўніверсітэта. Серыя А. Гуманітарныя навукі. – 2015. – № 1. – С. 54–63.
- Борун, Е. Н. Регламентация правового положения монахов мужских и женских монастырей на территории Беларуси (вторая треть XIX ― начало XX в.) / Е. Н. Борун // Веснік Полацкага дзяржаўнага ўніверсітэта. Серыя А. Гуманітарныя навукі. — 2020. ― № 1. ― С. 33―39.