Іван Андрэевіч Булыгін

Іван Андрэевіч Булыгін
Дата нараджэння	9 лютага 1907(1907-02-09)
Месца нараджэння	Радышкава, Ельнінскі павет[d], Смаленская губерня, Расійская імперыя
Дата смерці	12 красавіка 1984(1984-04-12) (77 гадоў)
Месца смерці	Мінск, БССР, СССР
Грамадзянства	РСФСР  БССР
Род дзейнасці	навуковец
Навуковая сфера	фізіялогія
Месца працы	Інстытут эксперыментальнай медыцыны[d] Інстытут фізіялогіі НАНБ
Навуковая ступень	доктар біялагічных навук
Навуковае званне	акадэмік АН БССР, прафесар
Альма-матар	Ленінградскі ветэрынарны інстытут (1931) Ленінградскі сельскагаспадарчы інстытут (1932)
Вядомыя вучні	Уладзімір Мікалаевіч Калюноў
Член у	Беларускае фізіялагічнае таварыства імя І. П. Паўлава[d]
Прэміі
Узнагароды

Іван Андрэевіч Булыгін (9 лютага 1907, в. Радышкава(руск.) бел., Пачынкаўскі раён, Смаленская вобласць — 12 красавіка 1984) — беларускі савецкі фізіёлаг. Акадэмік АН БССР (1959, член-карэспандэнт з 1956), доктар біялагічных навук (1952), прафесар (1954). Заслужаны дзеяч навукі БССР (1967). Удзельнік Вялікай Айчыннай вайны. , член Міжнароднай арганізацыі па даследаванні мозгу.

Біяграфія

Скончыў ленінградскія ветэрынарны ў 1931 і аграпедагагічны ў 1932 інстытуты.

У 1935—1948 гадах працаваў у аддзеле агульнай фізіялогіі Ленінградскага філіяла Усесаюзнага інстытута эксперыментальнай медыцыны пад кіраўніцтвам К. М. Быкава.

У 1948—1953 гадах — старшы навуковы супрацоўнік Інстытута фізіялогіі цэнтральнай нервовай сістэмы Акадэміі медыцынскіх навук СССР, Інстытута фізіялогіі ім. І. П. Паўлава АН СССР.

З 1953 года — дырэктар Інстытута фізіялогіі АН БССР і загадчык лабараторыі агульнай фізіялогіі, у 1969—1979 гадах — адначасова акадэмік-сакратар Аддзялення біялагічных навук АН БССР. Старшыня Беларускага фізіялагічнага таварыства з 1960 года.

Дзяржаўная прэмія СССР 1978, Дзяржаўная прэмія БССР 1972.

Навуковая дзейнасць

Устанавіў наяўнасць умоўнарэфлекторных уплываў кары вялікіх паўшар’яў на маторыку страўніка і кішэчніка і выявіў некаторыя заканамернасці інтэрацэптыўных(руск.) бел. уплываў на рэфлекторную дзейнасць спіннога і галаўнога мозгу. Высунуў і эксперыментальна абгрунтаваў палажэнне аб складанай функцыянальнай структуры цэласнай інтэрацэптыўнай рэакцыі арганізма, вывеў і сфармуляваў паняцці аб множнасці аферэнтных шляхоў інтэрацэптыўных рэфлексаў і іх ускладненні ў філагенезе(руск.) бел., пра ланцужныя і колцавыя нейрагумаральныя(руск.) бел. механізмы вісцаральных рэакцый. Распрацаваў новыя прынцыпы структурна-функцыянальнай арганізацыі вегетатыўных гангліяў, высунуў і абгрунтаваў агульнае палажэнне аб ўзаемасувязі дывергенцыі(руск.) бел. і канвергенцыі ў дзейнасці нервовай сістэмы.

Ушанаванне памяці

• На будынку Інстытута фізіялогіі НАН Беларусі (вул. Акадэмічная, 28), у якім Іван Андрэевіч Булыгін працаваў у 1953—1984 гадах, у 1986 годзе ўстаноўлена ў мемарыяльная дошка.

Літаратура

• Булыгін Іван Андрэевіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 134. — 800 с. — 5 000 экз. — ISBN 985-11-0026-9.
• Иван Андреевич Булыгин (к 105-летию со дня рождения) [Текст] // Новости медико-биологических наук. — 2012. — Т.: 5, № : 1. — С. 120.

Спасылкі

• Памяці вучонага: БУЛЫГІН Іван Андрэевіч // Нацыянальная акадэмія навук Беларусі
• Іван Андрэевіч Булыгін у базе даных «История белорусской науки в лицах» Цэнтральнай навуковай бібліятэкі імя Якуба Коласа НАН Беларусі (руск.) 
• Булыгин Иван Андреевич (28.01(10.02).1907—12.04.1984) (руск.)  // Беларускі дзяржаўны медыцынскі ўніверсітэт