Іван Ануфрыевіч Сухазанет

Іван Ануфрыевіч Сухазанет
Дата нараджэння	4 ліпеня 1788(1788-07-04)
Дата смерці	8 лютага 1861(1861-02-08) (72 гады)
Месца пахавання	Ціхвінскія могілкі[d]
Жонка	Ekaterina Alexandrovna Sukhozanet (nee Beloselskaya-Belozerskaya)[d]
Дзеці	Anna Bezobrazova[d]
Альма-матар	Другі кадэцкі корпус[d]
Грамадзянства	Расійская імперыя
Прыналежнасць	Расійская імперыя
Род войскаў	артылерыя
Званне	Генерал ад артылерыі
Бітвы/войны	Напалеонаўскія войны Вайна чацвёртай кааліцыі[d] Вайна 1812 года Вайна шостай кааліцыі Руска-турэцкая вайна, 1828—1829 паўстанне 1830—1831 гадоў
Узнагароды і званні
Медыяфайлы на Вікісховішчы

Іван Ануфрыевіч Сухазане́т (11 (22) ліпеня 1788, па іншых звестках 04(15).7.1788 — 8 (20) лютага 1861) — рускі ваенны дзеяч, генерал-ад’ютант (1825), генерал ад артылерыі (1834, 1839). Брат ваеннага міністра М. А. Сухазанета.

Біяграфія

Нарадзіўся ў вёсцы Вясея (сучасны аграгарадок у Слуцкім раёне Мінскай вобласці Беларусі). У 1803 годзе скончыў Другі кадэцкі корпус і ў званні падпаручніка прыняты на службу ў Інжынерны корпус. Затым перайшоў у 1-ы артылерыйскі полк.

Удзельнік руска-пруска-французскай вайны 1806—1807 гадоў. Прымаў удзел у баях каля Пултуска, Пройсіш-Эйлаў, Гутштата, Фрыдланда і інш. У час вайны 1812 года І. А. Сухазанет камандаваў артылерыйскімі часцямі. Прымаў удзел у баях каля Друі, Чашнікаў, пад Клясціцамі, Полацкам і інш. У час замежных паходаў 1813—1814 гадоў удзельнічаў у баях каля Баўцэна, Дрэздэна, Лейпцыга, Парыжа і інш. У 1814 годзе прызначаны начальнікам артылерыі 4-га корпуса, а пасля заканчэння ваенных дзеянняў — начальнікам штаба па артылерыйскай частцы 1-й арміі

Са снежня 1819 года І. Сухазанет на пасадзе начальніка артылерыі Гвардзейскага корпуса ў Санкт-Пецярбургу. У час паўстання дзекабрыстаў аддаў загад адкрыць агонь па па карэ паўстанцаў. Удзельнік руска-турэцкай вайны 1828—1829 гадоў. Вызначыўся пры аблозе Браілава. У час задушэння паўстання 1830—1831 гадоў камандаваў артылерыяй арміі, страціў нагу. У снежні 1831 года прызначаны галоўнакіруючым Артылерыйскім і Інжынерным вучылішчамі. У студзені 1832 года генерал-лейтэнант І. А. Сухозанет прызначаны дырэктарам Імператарскай Ваеннай акадэміі, якой ён кіраваў да 1854 года.

Член Ваеннага савета Расійскай імперыі з 1833 года.

Памёр І. А. Сухазанет 8(20) лютага 1891 года. Пахаваны ў Санкт-Пецярбургу на Ціхвінскіх могілках Аляксандра-Неўскай лаўры.

Ушанаванне памяці

8 снежня 2018 года ў Ваеннай акадэміі Генеральнага штаба Узброеных Сіл Расійскай Федэрацыі прайшлі святочныя мерапрыемствы, прымеркаваныя да 186-ай гадавіны з дня яе заснавання. Адным з мерапрыемстваў было адкрыццё мемарыяльнай дошкі першаму дырэктару Імператарскай Ваеннай акадэміі, генералу ад артылерыі Івану Ануфрыевічу Сухазанету.

Гл. таксама

• Дом Сухазанета

Літаратура

• Карніловіч Э. А. Сухазане́ты // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 294. — 10 000 экз. — ISBN 985-11-0035-8. — ISBN 985-11-0251-2 (т. 15).
• Карніловіч Э. Сухазане́ты // Энцыклапедыя гісторыі Беларусі. У 6 т. Т. 6. Кн. 1: Пузыны — Усая / Рэдкал.: Г. П. Пашкоў (галоўны рэд.) і інш.; Маст. Э. Э. Жакевіч. — Мн. : БелЭн, 2001. — С. 450—451. — 10 000 экз. — ISBN 985-11-0214-8.

Спасылкі

• Сухозанет Иван Онуфриевич (1831—1836) // Военная академия Ракетных войск стратегического назначения имени Петра Великого(недаступная спасылка) (руск.)
• Календарь артиллерии // Клуб выпускников Коломенского (Михайловского) Артиллерийского училища (руск.)
• Именно генерал из-под Слуцка ввёл в армии команду «Смирно!» // Наследие Слуцкого края (руск.)
• Иван Онуфриевич Сухозанет // Армейский сайт «Почта Полевая» (руск.)
• Сухозанет Иван Онуфриевич (Анофриевич) Словарь русских генералов. Проект «1812 год» (руск.)
• Сухозанет Иван Онуфриевич (Анофриевич) // Война 1812 года. Биографический справочник (руск.)
• Особняк Сухозанета (XVIII—XIX века) // Дом журналиста Невский 70 (руск.)