Іван Мікалаевіч Салавей

Іван Мікалаевіч Салавей
Дата нараджэння	6 жніўня 1916(1916-08-06)
Месца нараджэння	Хатляны, Ігуменскі павет, Мінская губерня, Расійская імперыя
Дата смерці	1987(1987)
Грамадзянства	СССР
Навуковая сфера	глебазнаўства
Месца працы	Беларускі НДІ меліярацыі і воднай гаспадаркі, Беларускі НДІ глебазнаўства і аграхіміі
Навуковая ступень	кандыдат сельскагаспадарчых навук
Альма-матар	Беларускі дзяржаўны ўніверсітэт
Прэміі
Узнагароды

Іван Мікалаевіч Салаве́й (6 жніўня 1916 — 1987) — вучоны ў галіне глебазнаўства, кандыдат сельскагаспадарчых навук (1955). Лаўрэат Дзяржаўнай прэміі БССР 1976 года.

Біяграфія

Нарадзіўся ў сяле Хатляны Ігуменскага павета Мінскай губерні (сучасны аграгарадок ва Уздзенскім раёне Мінскай вобласці Беларусі). У 1940 годзе скончыў Беларускі дзяржаўны ўніверсітэт. З 1940 года працаваў у Беларускім навукова-даследчым інстытуце меліярацыі і воднай гаспадаркі. У 1957—1982 гг. у Беларускім навукова-даследчым інстытуце глебазнаўства і аграхіміі — навуковы супрацоўнік, у 1965—1980 гг. — загадчык аддзела геаграфіі і картаграфіі глеб.

Навуковая дзейнасць

Аўтар прац па генезісе глеб, іх картаграфіі, класіфікацыі і метадалогіі даследавання. Прымаў удзел у складанні глебавай карты БССР.

Сярод апублікаванага:

• Почвы Белорусской ССР. — Мн., 1974. (у сааўтарстве);
• Занимательно о почве. — Мн.: Ураджай, 1984. (у сааўтарстве).

Узнагароды

Лаўрэат Дзяржаўнай прэміі БССР 1976 года.

Літаратура

• Салавей Іван Мікалаевіч // Энцыклапедыя прыроды Беларусі. У 5-і т. Т. 4. Недалька — Стаўраліт / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1985. — 599 с., іл. — 10 000 экз. — С. 430.
• Салавей Іван Мікалаевіч // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 94. — 10 000 экз. — ISBN 985-11-0035-8. — ISBN 985-11-0238-5 (т. 14).

Спасылкі

• Салавей, Іван Мікалаевіч (кандыдат сельскагаспадарчых навук; 1916—1987) // Нацыянальная бібліятэка Беларусі