Іван Федасеевіч Гаркуша

З пляцоўкі Вікіпедыя
Jump to navigation Jump to search
Іван Федасеевіч Гаркуша
Дата нараджэння 29 красавіка 1896(1896-04-29)
Месца нараджэння
Дата смерці 6 жніўня 1970(1970-08-06) (74 гады)
Месца смерці
Грамадзянства
Дзеці: Ірына Іванаўна Гаркуша
Род дзейнасці вучоны
Навуковая сфера глебазнаўства
Месца працы
Навуковая ступень доктар сельскагаспадарчых навук
Навуковае званне акадэмік АН БССР, акадэмік УАСГНІЛ, прафесар
Альма-матар
Узнагароды і прэміі Ордэн Леніна Ордэн Працоўнага Чырвонага Сцяга Ордэн «Знак Пашаны»

Іван Федасеевіч Гарку́ша (29 красавіка 1896г., Гарадзішча, Гарадзішчанскі раён(руск.) бел., Чаркаская вобласць — Мінск, 6 жніўня 1970) — беларускі глебазнавец, акадэмік Акадэміі навук БССР (1961), акадэмік Акадэміі сельскагаспадарчых навук (1959), доктар сельскагаспадарчых навук, прафесар (1954), заслужаны дзеяч навукі БССР (1956)[1].

Біяграфія[правіць | правіць зыходнік]

У 1919—1920 гадах служба ў Чырвонай Арміі. З 1920 па 1923 год працаваў настаўнікам. Скончыў Херсонскі сельскагаспадарчы інстытут(руск.) бел. (1928), Вышэйшыя Педагагічныя курсы пры Харкаўскім сельскагаспадарчым інстытуце (1930). З 1930 года аспірант, навуковы супрацоўнік Усесаюзнага інстытута ўгнаенняў, агратэхнікі і аграглебазнаўства, адначасова загадчык кафедры глебазнаўства і земляробства Ленінградскай вышэйшай камуністычнай школы[1].

Дырэктар глеба-агранамічнай лабараторыі Туркестанскага філіяла АН БССР (1942)[1]. З 1944 года прарэктар, у 1952—1965 гг. рэктар і адначасова загадчык кафедры глебазнаўства Беларускай сельскагаспадарчай акадэміі[1].

Навуковая дзейнасць[правіць | правіць зыходнік]

Аўтар прац па эвалюцыі дзярнова-падзолістых і тарфяна-балотных глеб пад уздзеяннем акультурвання. За падручнік «Глебазнаўства» (1940, 6-е выд. 1962) і за манаграфію «Акультурванне глебаў як сучасны этап глебаўтварэння» (1956) прэмія імя акадэміка Вільямса (1947, 1957) АН СССР. Дэпутат Вярхоўнага Савета БССР 4—6 скліканняў[1].

Узнагароды[правіць | правіць зыходнік]

Узнагароджаны двума ордэнамі Леніна (1961, 1964), Працоўнага Чырвонага Сцяга (1958), «Знак Пашаны», медалямі, Ганаровымі граматамі Прэзідыума Вярхоўнага Савета БССР.

Памяць[правіць | правіць зыходнік]

На корпусе № 10 БСГА ўстаноўлена мемарыяльная дошка (1994).

Зноскі

  1. 1,0 1,1 1,2 1,3 1,4 Гаркуша Иван Федосеевич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 139. — 737 с.

Літаратура[правіць | правіць зыходнік]

  • Гаркуша Іван Федасеевіч // Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн.: БелЭн, 1997. — 576 с.: іл. ISBN 985-11-0090-0 (т. 5), ISBN 985-11-0035-8 — С. 61.
  • Гаркуша І. Ф. // Памяць: Гіст.-дакум.хроніка Горацкага р-на. — Мн., 1996. — С. 541.
  • Гаркуша Іван Федасеевіч // Беларусь: Энцыклапедычны даведнік / Рэдкал.: Б. І. Сачанка і інш. — Мн.: БелЭн, 1995. — С. 211. — 800 с. — 5 000 экз. — ISBN 985-11-0026-9.
  • Лившиц В. М., Цыганов А. Р. Верность земле. Горки. Соавт.: — Горки: 1999. — 54 с., ил. ISBN 985-6120-38-1