Азурыт

Азурыт
Формула	Cu3(СО3)2(ОН)2
Сінгонія	манаклінная
Крышталічная рашотка	a = 5Å b = 5.84Å c = 10.35Å β = 92.33°
Крышталічная рашотка	a = 5Å b = 5.84Å c = 10.35Å β = 92.33°
Колер	сіні, лазурны, ультрамарынавы
Колер рысы	сіні
Бляск	шкляны
Празрыстасць	ад празрыстага да непразрыстага
Цвёрдасць	3,5—4
Спайнасць	дасканалая
Злом	ракавісты
Шчыльнасць	3,77 г/см³

Азуры́т — мінерал з класа карбанатаў, асноўны карбанат медзі, Cu₃(СО₃)₂(ОН)₂/

Крышталізуецца ў манакліннай сінгоніі. Мае 53,3 % медзі. Утварае шчоткі і друзы пераважна дробных крышталёў, агрэгаты, канкрэцыі, шчыльныя масы, зямлістыя намнажэнні. Колер цёмна-сіні, васільковы, блакітны. Празрысты да паўпразрыстага. Цвёрдасць 3,5—4 па шкале Моаса. Шчыльнасць 3,8 г/см³. Крохкі.

Тыповы мінерал зон акіслення меднарудных жылаў. Пры далейшым акісленні ператвараецца ў малахіт.

Назва паходзіць ад персідскай назвы lazhward, што азначае сіні колер.

Радовішчы

Радовішчы азурыту маюцца ў Расіі (Урал), Казахстане, Афрыцы, Марока, а таксама ў ЗША, Кітаі, Францыі, Аўстраліі.

Выкарыстанне

Выкарыстоўваецца ў ювелірнай справе, у якасці вырабнога каменя. З’яўляецца аб’ектам калекцыяніравання. Другасная руда медзі. Выкарыстоўваецца ў вытворчасці сіняй фарбы.

Літаратура

• Азурыт // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн.: БелЭн, 1996. ISBN 985-11-0036-6.
• Азурит // Большой энциклопедический словарь: В 2-х т. / Гл. ред. А. М. Прохоров — М.: Сов. энциклопедия, 1991. — Т. 1. — С. 25. — 863 с. — 2 000 000 экз. — ISBN 5-85270-042-8 (т. 1.).(руск.) 

Спасылкі

• Азурит // Кристаллов. Net(руск.) 
• Азурит // Каталог Минералов. Ru(руск.) 
• Азурыт на сайце mindat.org(англ.) 
• Азурыт на сайце Webmineral.com(англ.)