Аляксандр Міхайлавіч Кішчанка

Аляксандр Міхайлавіч Кішчанка
Дата нараджэння	13 мая 1933(1933-05-13)
Месца нараджэння	Белы Калодзезь[d], Багучарскі раён, Расія
Дата смерці	11 лістапада 1997(1997-11-11) (64 гады)
Месца смерці	Мінск, Беларусь
Месца пахавання	Усходнія могілкі
Грамадзянства	СССР  Беларусь
Род дзейнасці	мастак, мастак-мазаічыст
Месца працы	Беларускі дзяржаўны тэатральна-мастацкі інстытут
Жанр	партрэт
Вучоба	Львоўская нацыянальная акадэмія мастацтваў
Вядомыя працы	Габелен стагоддзя
Уплыў на	Валерый Цімафеевіч Даўгала, Зоя Васільеўна Літвінава і Юрый Барысавіч Багушэвіч
Прэміі
Узнагароды	Народны мастак Беларусі (1991)
Медыяфайлы на Вікісховішчы

Аляксандр Міхайлавіч Кішчанка (13 мая 1933, в. Белы Калодзезь, Багучарскі раён, Цэнтральна-Чернозёмная вобласць — 11 лістапада 1997, Мінск) — беларускі мастак, аўтар вядомага «Габелену стагоддзя», які занесены ў Кнігу рэкордаў Гінэса. Народны мастак Беларусі (1991).

Мастацкі маркіраваны канверт «75 год са дня нараджэння Кішчанкі А. М.», ілюстрацыя — мазаіка на будынку ў мікрараёне Усход, г. Мінск, 1978. Мастак канверта — Мікола Рыжы.

Біяграфія

Нарадзіўся 13 мая 1933 года ў вёсцы Белы Калодзеж Багучарскага раёна Цэнтральна-Чернозёмнай вобласці (цяпер — Варонежская вобласць Расіі).

У 1960 годзе скончыў Львоўскі інстытут прыкладнога і дэкаратыўнага мастацтва.

Працаваў ва ўсіх жанрах станковага жывапісу, [манументальна-дэкаратыўным мастацтве, габелене.

У 1963—1970 гадах выкладаў у Беларускім тэатральна-мастацкім інстытуце. Член Беларускага саюза мастакоў з 1964 года.

Памёр 11 лістапада 1997 года ў Мінску. Пахаваны ў Мінску на Усходніх могілках.

Мазаікі

• «Беларусь партызанская» (1973), смальта. Знаходзіцца на гасцініцы «Турыст»
• «Кастрычнік» (1975), смальта. Знаходзіцца на будынку БЕЛГІПРААГРАХАРЧПРАМА. Картон да мазаікі стварыў у 1973 годзе у майстэрні мінскага мастацкага камбіната сучасны беларускі мастак-манументаліст Валерый Даўгала.
• «Горад культуры», «Горад навукі», «Горад-будаўнік», «Горад-ваяр» (1977—1978), смальта. Серыя пано на будынках у мікрараёне Усход-1

Габелены

• «Раніца. Абуджэнне». (1972, у сааўтарстве з А. Бельцюковай).
• «Габелен стагоддзя». (1991—1995), воўна. Памеры — 14х19 метраў. Вага — амаль 300 кілаграмаў.

Узнагароды і прэміі

• Дзяржаўная прэмія БССР (1980).
• Дзяржаўная прэмія Рэспублікі Беларусь у галіне літаратуры, мастацтва і архітэктуры (1996) — за манументальны габелен «Габелен стагоддзя».
• Медаль Францыска Скарыны (1993).
• Народны мастак Беларусі (1991).

Літаратура

• Беларуская энцыклапедыя: У 18 т. Т. 8: Канто — Кулі / Рэдкал.: Г. П. Пашкоў і інш. — Мн. : БелЭн, 1999. — Т. 8. — С. 315. — 10 000 экз. — ISBN 985-11-0035-8. — ISBN 985-11-0144-3 (т. 8).
• Шаранговіч Н. В. Кі́шчанка Аляксандр Міхайлавіч // Беларусь: энцыклапедычны даведнік / Рэдкал. Б. І. Сачанка (гал. рэд.) і інш.; Маст. М. В. Драко, А. М. Хількевіч. — Мн.: БелЭн, 1995. — С. 388. — 800 с. — 5 000 экз. — ISBN 985-11-0026-9.

Спасылкі

• Вікторыя Аскера ART-космас Аляксандра Кішчанкі // Выдавецкі дом «Звязда»