Аляксандр Уладзіміравіч Юрэвіч

З пляцоўкі Вікіпедыя
Перайсці да: рух, знайсці
Футбол
Аляксандр Юрэвіч
Alyaksandr Yurevich 2008.JPG
Агульная інфармацыя
Поўнае імя Аляксандр Уладзіміравіч Юрэвіч
Нарадзіўся 8 жніўня 1979(1979-08-08)[1] (38 гадоў)
Ліда, Лідскі раён, Гродзенская вобласць, БССР, СССР
Грамадзянства Сцяг Беларусі Беларусь
Рост 174 см
Вага 78 кг
Пазіцыя абаронца
Інфармацыя пра клуб
Клуб Сцяг Беларусі Шахцёр
Пасада трэнер дубліруючай каманды
Кар’ера
Клубная кар’ера*
1995 — 1999 Сцяг Беларусі Ліда 112 (4)
2000 — 2007 Сцяг Беларусі Шахцёр (Салігорск) 198 (10)
2007 Сцяг Украіны Карпаты (Львоў) 10 (0)
2008 — 2013 Сцяг Беларусі БАТЭ (Барысаў) 142 (1)
2014 — 2016 Сцяг Беларусі Шахцёр (Салігорск) 84 (2)
Нацыянальная зборная**
1997 Сцяг Беларусі Беларусь (да 18) 3 (0)
2000 — 2001 Сцяг Беларусі Беларусь (да 21) 16 (1)
2006 — 2011 Сцяг Беларусі Беларусь 32 (0)
Трэнерская кар’ера
2017 Сцяг Беларусі Шахцёр (Салігорск) дубль
2017 Сцяг Беларусі Шахцёр (Салігорск) трэнер
2018 — Сцяг Беларусі Шахцёр (Салігорск) дубль
Міжнародныя медалі
Дзяржаўныя і ведамасныя ўзнагароды
Нагрудны знак адрознення Майстар спорту Рэспублікі Беларусь міжнароднага класа.png

* Колькасць гульняў і галоў за прафесійны клуб лічыцца
толькі для розных ліг нацыянальных чэмпіянатаў

** Колькасць гульняў і галоў за нацыянальную зборную ў
афіцыйных матчах

Аляксандр Юрэвіч (нар. 8 жніўня 1979, Ліда) — былы беларускі футбаліст, абаронца. Вядомы па выступах за салігорскі «Шахцёр» і барысаўскі БАТЭ, разам з якімі стаў сяміразовым чэмпіёнам Беларусі, трохразовым уладальнікам Кубка Беларусі. За нацыянальную зборную Беларусі (2006—2011) правёў 32 матчы. З’яўляецца членам і лідарам клуба Сяргея Алейнікава.

У цяперашні час працуе трэнерам у салігорскім «Шахцёры».

Кар’ера[правіць | правіць зыходнік]

Клубная[правіць | правіць зыходнік]

Выхаванец лідскага футбола, гуляў за мясцовы клуб, а ў 2000 годзе перайшоў у салігорскі «Шахцёр». У 2005 годзе выйграў чэмпіёнства з гарнякамі, быў капітанам салігорскага клуба. У ліпені 2007 года перайшоў у львоўскія «Карпаты», але не замацаваўся там і ў лютым 2008 года стаў іграком барысаўскага БАТЭ.

Доўгі час быў трывалым іграком асновы барысаўскага клуба, выступаў на пазіцыі левага або правага абаронцы. Тройчы дапамог БАТЭ прайсці ў групавы этап Лігі чэмпіёнаў, 17 снежня 2009 года забіў гол у браму «Эвертана», які дапамог барысаўчанам здабыць першую ў гісторыі гасцявую перамогу ў групавых раўндах еўракубкаў (1:0). У сезоне 2012 стаў радзей з’яўляцца на полі, саступаючы месца больш маладым ігракам.

У студзені 2014 года пакінуў БАТЭ па заканчэнні кантракта і перайшоў у «Шахцёр»[2]. У складзе «Шахцёра» заняў месца асноўнага левага абаронцы і зноў стаў капітанам каманды. У снежні 2014 года падоўжыў кантракт з салігорцамі[3].

У сезоне 2015 саступіў капітанства Арцёму Старгародскаму, але заставаўся трывалым іграком асновы. Звычайна гуляў левым абаронцам, але некаторы час выкарыстоваўся ў апорнай зоне. У лістападзе 2015 года зноў падоўжыў кантракт з «Шахцёрам»[4]. У сезоне 2016 быў асноўным апорным паўабаронцам каманды. У снежні 2016 года новы галоўны трэнер салігорскага клуба Алег Кубараў абвясціў, што Юрэвіч пакідае «Шахцёр»[5]. У студзені 2017 года завяршыў гульнявую кар’еру, застаўшыся ў Салігорску ў якасці трэнера[6].

Міжнародная[правіць | правіць зыходнік]

Гуляў за моладзевыя зборныя Беларусі, з 2006 па 2011 выступаў за нацыянальную зборную.

Трэнерская[правіць | правіць зыходнік]

Пасля завяршэння кар’еру ў пачатку 2017 года ўвайшоў у трэнерскі штаб дубліруючага складу «Шахцёра», дзе стаў дапамагаць Сяргею Нікіфарэнку. У ліпені 2017 года, пасля прызначэння галоўным трэнерам «Шахцёра» Марака Зуба, быў пераведзены ў асноўную каманду ў якасці яго асістэнта[7]. У студзені 2018 года зноў перайшоў на працу ў дубль[8].

Дасягненні[правіць | правіць зыходнік]

Зноскі

Спасылкі[правіць | правіць зыходнік]