Аляксандр Юр’евіч Міхневіч

Аляксандр Міхневіч
Аляксандр Міхневіч
Намеснік міністра замежных спраў Рэспублікі Беларусь
	23 сакавіка 2000 — 30 кастрычніка 2006
Прэзідэнт	Аляксандр Лукашэнка
Кіраўнік урада	Уладзімір Ярмошын, Генадзь Навіцкі
Надзвычайны і Паўнамоцны Пасол Рэспублікі Беларусь у Аб’яднаным Каралеўстве Вялікабрытаніі і Паўночнай Ірландыі
	4 жніўня 2006 — 10 верасня 2012
Прэзідэнт	Аляксандр Лукашэнка
Папярэднік	Аляксей Мажухоў
Пераемнік	Сяргей Алейнік
Першы намеснік міністра замежных спраў Рэспублікі Беларусь
	10 верасня 2012 — 13 чэрвеня 2016
Прэзідэнт	Аляксандр Лукашэнка
Папярэднік	Ігар Петрышэнка
Пераемнік	Андрэй Еўдачэнка
Надзвычайны і Паўнамоцны Пасол Рэспублікі Беларусь у Каралеўстве Бельгія
	з 13 чэрвеня 2016
Прэзідэнт	Аляксандр Лукашэнка
Папярэднік	Андрэй Еўдачэнка
Нараджэнне	24 снежня 1953 (70 гадоў); Мінск, БССР, СССР;
Бацька	Юрый Міхневіч
Дзейнасць	дыпламат
Ордэн Пашаны, Беларусь	Медаль «За працоўныя заслугі»

Алякса́ндр Ю́р’евіч Міхне́віч (нар. 24 снежня 1953, Мінск) — беларускі дыпламат.

Біяграфія[правіць | правіць зыходнік]

Нарадзіўся 24 снежня 1953 года ў Мінску. Сын Юрыя Міхневіча, Міністра культуры БССР (1971—1988).

У 1977 годзе скончыў Маскоўскі інжынерна-фізічны інстытут; ў 1986 годзе — Усесаюзную ордэна Дружбы народаў Акадэмію знешняга гандлю.

З 1977 да 1978 — інжынер вытворча-тэхнічнага аб’яднання «Інтэграл». З 1979 да 1980 — намеснік сакратара камітэта камсамола вытворча-тэхнічнага аб’яднання «Інтэграл».

З 1980 да 1983 — загадчык аддзела Мінскага гаркама ЛКСМ Беларусі.

З 1983 да 1986 — слухач Усесаюзнай ордэна Дружбы народаў Акадэміі знешняга гандлю.

З 1986 да 1987 — выконваючы абавязкі загадчыка аддзела кадраў Беларускага навукова-даследчага інстытута навукова-тэхнічнай інфармацыі і тэхніка-эканамічных даследаванняў Дзяржплана БССР.

З 1987 да 1988 — загадчык аддзела патэнтна-ліцэнзійных даследаванняў Беларускага навукова-даследчага інстытута навукова-тэхнічнай інфармацыі і тэхніка-эканамічных даследаванняў Дзяржплана БССР.

З 1988 да 1992 — начальнік аддзела знешнеэканамічных сувязяў Міністэрства лёгкай прамысловасці БССР.

З 1992 да 1995 — начальнік аддзела, начальнік упраўлення знешнеэканамічных сувязяў канцэрна «Беллегпрам».

З 1995 да 2000 — першы віцэ-прэзідэнт Беларускага дзяржаўнага канцэрна па вытворчасці і рэалізацыі тавараў лёгкай прамысловасці.

З сакавіка 2000 да жніўня 2006 — намеснік Міністра замежных спраў Рэспублікі Беларусь, з жніўня 2006 і да верасня 2012 года — Пасол Рэспублікі Беларусь ў Вялікабрытаніі і Ірландыі (па сумяшчальніцтве).

З 12 верасня 2012 года — першы намеснік Міністра замежных спраў Рэспублікі Беларусь.

13 чэрвеня 2016 года быў прызначаны Надзвычайным і Паўнамоцным Паслом Рэспублікі Беларусь у Каралеўстве Бельгія, пастаянным прадстаўніком Рэспублікі Беларусь пры Еўрапейскім саюзе і Еўрапейскім супольніцтве па атамнай энергіі, пастаянным прадстаўніком Рэспублікі Беларусь пры Арганізацыі Паўночнаатлантычнага дагавора па сумяшчальніцтве, Надзвычайным і Паўнамоцным Паслом Рэспублікі Беларусь у Вялікім Герцагстве Люксембург па сумяшчальніцтве^[1]. На фоне новага абвастрэння адносін паміж Беларуссю і ЕС у чэрвені 2021 Аляксандр Міхневіч быў адкліканы ў Мінск для кансультацый. Вызвалены ад пасадаў у сувязі з выхадам у адстаўку 29 ліпеня 2021 года^[2].

Узнагароды[правіць | правіць зыходнік]

Ордэн Пашаны (2015) ^[3]
медаль «За ўклад у стварэнне Еўразійскага эканамічнага саюза» I ступені (2015)^[4].

Зноскі

↑ Аляксандр Лукашэнка разгледзеў кадравыя пытанні (нявызн.). Афіцыйны інтэрнэт-партал Прэзідэнта Рэспублікі Беларусь (13 чэрвеня 2016).
↑ Радыё Свабода Архівавана 30 ліпеня 2021.
↑ Узнагароджаны прадстаўнікі розных сфер дзейнасці
↑ Решение Высшего Евразийского Экономического Совета от 8 мая 2015 года № 4 «О награждении медалью „За вклад в создание Евразийского экономического союза“»

Спасылкі[правіць | правіць зыходнік]

EMBASSY OF THE REPUBLIC OF BELARUS IN THE KINGDOM OF BELGIUM — Ambassador (па стане на 13 лістапада 2018 года) (англ.)

[1] Аляксандр Лукашэнка разгледзеў кадравыя пытанні (нявызн.). Афіцыйны інтэрнэт-партал Прэзідэнта Рэспублікі Беларусь (13 чэрвеня 2016).

[2] Радыё Свабода Архівавана 30 ліпеня 2021.

[3] Узнагароджаны прадстаўнікі розных сфер дзейнасці

[4] Решение Высшего Евразийского Экономического Совета от 8 мая 2015 года № 4 «О награждении медалью „За вклад в создание Евразийского экономического союза“»

[1]

[2]

[3]

[4]

Надзвычайныя і Паўнамоцныя Паслы Беларусі ў Каралеўстве Бельгія
Пачатак дыпадносін Адкрыццё пасольства	10 сакавіка 1992 жнівень 1994
Паслы	Уладзімір Лабуноў (1994—2001) • Сяргей Мартынаў (2001—2003) • Уладзімір Сянько (2004—2011) • Андрэй Еўдачэнка (2011—2016) • Аляксандр Юр’евіч Міхневіч (з 2016)

Надзвычайныя і Паўнамоцныя Паслы Беларусі ў Аб’яднаным Каралеўстве Вялікабрытаніі і Паўночнай Ірландыі
Пачатак дыпадносін Адкрыццё пасольства	27 студзеня 1992 1994
Паслы	Уладзімір Сянько (1994) • Уладзімір Шчасны (1995—2000) • Валерый Садоха (2000—2002) • Аляксей Мажухоў (2002—2006) • Аляксандр Міхневіч (2006—2012) • Сяргей Алейнік (2013—2020) • Максім Ермаловіч (2020—2022)