Аляксей Ільіч Белы

Аляксей Белы
Аляксей Белы
	Аляксей Ільіч Белы
Асабістыя звесткі
Дата нараджэння	20 снежня 1952 (71 год)
Месца нараджэння	Міхнавічы, Стайкаўскі сельсавет, Івацэвіцкі раён, Брэсцкая вобласць, БССР, СССР;
Альма-матар	Гомельскі дзяржаўны політэхнічны каледж; Гродзенскі дзяржаўны ўніверсітэт імя Янкі Купалы; Кіеўскі інстытут паліталогіі і сацыяльнага кіравання[d];
Месца працы	Intex-press; ІнтэксПрэс-Рэгіён[d];
Прафесійная дзейнасць
Род дзейнасці	паэт
Гады творчасці	з 1971
Кірунак	паэзія
Мова твораў	беларуская і руская
Грамадская дзейнасць
Член у	Беларуская асацыяцыя журналістаў; Беларускі ПЭН-цэнтр; Саюз беларускіх пісьменнікаў;

Аляксей Ільіч Белы (нар. 20 снежня 1952, в. Міхнавічы Івацэвіцкага раёна) — беларускі паэт, член Саюза беларускіх пісьменнікаў.

Біяграфія[правіць | правіць зыходнік]

Нарадзіўся 20 снежня 1952 года, але афіцыйна маці пазначыла дату нараджэння на 2 студзеня 1953 года^[1].

Пасля заканчэння школы № 2 у Івацэвічах паехаў на Поўнач. Атрымаў спецыяльнасць штурман маламерных марскіх суднаў. Працаваў у Пінску памочнікам капітана цеплахода. Скончыў Гомельскі палітэхнікум, Гродзенскі дзяржаўны ўніверсітэт, Кіеўскі інстытут паліталогіі і сацыяльнага кіравання.

З 1977 года — у Баранавічах. Працаваў журналістам у газеце «Сцяг камунізму». Пасля быў галоўным рэдактарам газет «Текстильщик», «Шаг» і намеснікам галоўнага рэдактара газеты Intex-press, дырэктарам-галоўным рэдактарам ПУП «ІнтэксПрэс-Рэгіён». З 2016 года — на пенсіі.

Першыя вершы апублікаваў у 1971 г. у Карэліі.

У Баранавічах уступіў у літаратурнае аб’яднанне «Плынь», там было многа выбітных людзей, сярод якіх Венанцы Бутрым і Анатоль Станкевіч. Вершы публікаваліся ў гарадскіх і абласных газетах, «Літаратура і мастацтва», у часопісе «Дыялог», кнізе выбранай беларускай паэзіі «Агледзіны» (1998 г.), літаратурным альманаху г. Баранавічы «Святліца» (1997 г., 2000 г., 2006 г.), калектыўным зборніку «Паэзія Берасцейшчыны. Дзядзінец» (1999 г.).

Член Беларускай асацыяцыі журналістаў і Беларускага ПЭН-цэнтра.

Бібліяграфія[правіць | правіць зыходнік]

1994 — Тридцать второе августа
1997 — Невольничьи песни
1999 — Каляровыя сны
2002 — Боскі вецер правінцыі
2010 — Кветкі ў стагах
2013 — Прыватны сектар
2015 — Ад Грыўды да Гандвіка (кніга ўспамінаў)^[2]
2018 — Жыві, дзе ўдосталь ветру

Зноскі

↑ Паэт Аляксей Белы: «Самая вялікая мара — пайсці ў акіян», Intex-press, 20-12-2017
↑ Баранавіцкі літаратар Аляксей Белы выдаў кнігу ўспамінаў Архівавана 1 снежня 2021., Intex-press, 27-02-2015

Літаратура[правіць | правіць зыходнік]

Аляксей Белы, сайт Саюза беларускіх пісьменнікаў Архівавана 2 ліпеня 2019.

[1] Паэт Аляксей Белы: «Самая вялікая мара — пайсці ў акіян», Intex-press, 20-12-2017

[2] Баранавіцкі літаратар Аляксей Белы выдаў кнігу ўспамінаў Архівавана 1 снежня 2021., Intex-press, 27-02-2015

[1]

[2]