Андрыс Бэрзіньш

Андрыс Бэрзіньш
лат.: Andris Bērziņš
8-ы прэзідэнт Латвіі 8 ліпеня 2011 — 7 ліпеня 2015
Папярэднік	Валдзіс Затлерс
Пераемнік	Раймандс Веёніс
дэпутат Сейма Латвіі[d] 2 лістапада 2010 — 1 ліпеня 2011
Нараджэнне	10 снежня 1944(1944-12-10) (79 гадоў) Nītaure[d], Nītaure Parish[d], Рыжскі павет[d], Латвійская Савецкая Сацыялістычная Рэспубліка, СССР
Жонка	Dace Seisuma[d]
Партыя	Саюз зялёных і сялян (2011) КПСС (1990)
Адукацыя	Рыжскі тэхнічны ўніверсітэт Латвійскі ўніверсітэт Sigulda State grammar school[d]
Узнагароды
Медыяфайлы на Вікісховішчы

Андрыс Бэрзіньш (лат.: Andris Bērziņš; 10 снежня 1944, Нітаўрэ, Латвійская ССР, СССР) — латвійскі дзяржаўны і палітычны дзеяч. Прэзідэнт Латвіі (з 8 ліпеня 2011 года). Прадпрымальнік. Мільянер.

Кар’ера ў савецкі перыяд

З 1970 года — інжынер, пасля — дырэктар прадпрыемства «Электрон». Быў членам КПСС.

З 1988 года — намеснік Міністра бытавых паслуг Латвійскай ССР. Узначальваў Савет народных дэпутатаў і выканкам Валміерскага раёна.

У 1990 годзе быў абраны ў Вярхоўны савет Латвіі, працаваў у фракцыі Народнага фронту Латвіі. 4 мая 1990 года галасаваў за аднаўленне незалежнасці.

Кар’ера ў незалежнай Латвіі

У 1993 годзе ўзначаліў фонд прыватызацыі пры Банку Латвіі.

У 1993—2004 гадах — прэзідэнт АТ Latvijas Unibanka.

Са снежня 2006 года па красавік 2009 года — старшыня савета Latvenergo.

У 2006—2010 гадах на грамадскіх пачатках працаваў прэзідэнтам Гандлёва-прамысловай палаты.

Працаваў дарадчыкам прэзідэнта Skandinaviska Enskilda Bank, AS Unibanka

Пасля сыходу на пенсію Бэрзіньш вярнуўся ў актыўную палітыку. У 2005 годзе ён стаў кандыдатам у дэпутаты думы Рыгі ад Саюза зялёных і сялян (СЗК).

З 2 лістапада 2010 года — дэпутат 10-га Сейма Латвіі і член фракцыі СЗК. З 4 лістапада 2010 года — сябра, а з 8 лістапада — старшыня камітэта па эканамічнай, сельскагаспадарчай, экалагічнай і рэгіянальнай палітыцы Сейма. З 4 лістапада 2010 года — член Камісіі па запытах Сейма. З 17 сакавіка 2011 года па 25 мая 2011 года — член Парламенцкай камісіі па расследаванні ў сувязі з меркаванай незаконнай дзейнасцю па паглынанні і рэструктурызацыі АТ Parex Bank.