Анс Эрнеставіч Даўман

Анс Эрнеставіч Даўман
Дата нараджэння	26 лістапада 1885(1885-11-26)
Месца нараджэння	Дрэйліньская воласць[d], Рыжскі павет[d], Ліфляндская губерня, Расійская імперыя
Дата смерці	1 жніўня 1920(1920-08-01) (34 гады)
Месца смерці	Брэсцкая вобласць, Беларуская ССР
Месца пахавання	Мінск
Грамадзянства	Латвія
Узнагароды і званні

Анс Эрнеставіч Даўман (26 лістапада 1885, хутар Крэйпі, Рыжскі павет — 1 жніўня 1920, Брэст) — бальшавік, дзеяч бальшавіцкага руху ў Латвіі.

Біяграфія

Помнік у гарадскім пасёлку Обаль

Нарадзіўся ў сялянскай сям’і. З 1904 года ў РСДРП. Удзельнік рэвалюцыі 1905—1907 гадоў. 3 1914 года на франтах Першай сусветнай вайны. Пасля Лютаўскай рэвалюцыі 1917 года член Нарвенскага Савета, пасля Кастрычніцкай рэвалюцыі старшыня Нарвенскага ВРК.

У час наступлення нямецкіх войск у лютым—сакавіку 1918 года камандзір Нарвенскага партызанскага атрада, камісар Гатчынскай дывізіі. Удзельнік вызвалення Латвіі ад нямецкіх і белагвардзейскіх войск, быў членам РВС арміі Савецкай Латвіі. У жніўні — кастрычніку 1919 года узначальваў абарону Дзвінскага ўмацаванага раёна. 3 кастрычніка 1919 года член РВС 16-й арміі на Беларусі.

3 чэрвеня 1920 года камандзір 10-й стралковай дывізіі, якая займала Ігумен, Пухавічы, Клецк, Бярозу, Кобрын, Брэст у час польска-савецкай вайны. Анс Даўман загінуў у баі пры фарсіраванні ракі Заходні Буг пад Брэстам 1 жніўня 1920 года. Пахаваны ў Мінску ў Цэнтральным дзіцячым парку імя М. Горкага.

Памяць

У 1969 годзе быў усталяваны помнік у г. п. Обаль. Яго імем у 1928 годзе названа вуліца ў Мінску (былая другая Старавіленская), на доме № 1 устаноўлена мемарыяльная дошка. Таксама названы вуліцы ў Барысаве, за савецкай акупацыяй была вуліца ў Нарве. Імя А. Э. Даўмана прысвоена торфапрадпрыемству ў Шумілінскім раёне.

Літаратура

• Збор помнікаў гісторыі і культуры Беларусі. Віцебская вобласць / рэдкал.: С. В. Марцэлеў [і інш.]. — Мн., 1985. — С. 471.
• Даўман Анс Эрнеставіч // Энцыклапедыя гісторыі Беларусі : у 6 т. Мінск, 1996. Т. 3. С. 212.