Антон Францавіч Бубала

Антон Францавіч Бубала
Антон Францавіч Бубала
Асабістыя звесткі
Дата нараджэння	27 кастрычніка 1942 (83 гады)
Месца нараджэння	Гісялёва[d], Асвейскі раён, СССР;
Грамадзянства	СССР; Беларусь;
Альма-матар	Даўгаўпілскі ўніверсітэт (1960-я); Амурскі гуманітарна-педагагічны дзяржаўны ўніверсітэт[d] (1960-я);
Месца працы	Верхнядзвінскі гісторыка-краязнаўчы музей;
Прафесійная дзейнасць
Род дзейнасці	Краязнаўства, паэзія
Гады творчасці	1972 — да сёння
Кірунак	паэзія, гісторыя, краязнаўства
Жанр	верш, нарыс, рэцэнзія і эсэ
Мова твораў	беларуская
Узнагароды	Ганаровы грамадзянін Верхнядзвінска[d]
	Медыяфайлы на Вікісховішчы

Антон Францавіч Бубала (нар. 27 кастрычніка 1942(1942-10-27), Гісялёва^[d], Асвейскі раён, СССР) — беларускі грамадскі дзеяч, краязнавец, паэт.

Біяграфія

Нарадзіўся 27 кастрычніка 1942 года ў вёсцы Гісялёва Асвейскага раёна (цяпер — Верхнядзвінскі раён) Віцебскай вобласці падчас нямецкай акупацыі Беларусі. Немаўлём прайшоў праз Саласпілскі канцлагер.

У 1963 годзе скончыў фізіка-матэматычны факультэт Даўгаўпілскага педагагічнага інстытута. У 1974 годзе завочна скончыў з чырвоным дыпломам Камсамольскі-на-Амуры дзяржаўны педагагічны інстытут.

Працаваў настаўнікам у школах Латвійскай ССР, РСФСР (г. Амурск) і ў Верхнядзвінскім раёне Беларусі. Узначальваў аддзел культуры Верхнядзвінскага райвыканкама.

З 2015 года працуе старшым навуковым супрацоўнікам Верхнядзвінскага гісторыка-краязнаўчага музея.

Жыве ў Верхнядзвінску.

Дзейнасць

Краязнаўствам пачаў займацца з 1972 года. Даследуе гісторыю, культуру і геаграфію Паўночнай Беларусі, у асноўным — тэрыторыю Верхнядзвінскага, часткова — Міёрскага і Расонскага раёнаў Віцебскай вобласці. Прымаў удзел у арганізацыі і правядзенні шэрага навуковых канферэнцый рэгіянальнага і міжнароднага ўзроўняў. Адзін з асноўных аўтараў і ўкладальнікаў кнігі «Памяць. Верхнядзвінскі раён».

З 1972 года друкуецца ў сродках масавай інфармацыі. Выдаў некалькі ўласных паэтычных зборнікаў. Аўтар і рэдактар некалькіх дзясяткаў кніг і брашур, буклетаў і паштовак, прысвечаных краязнаўству ў рэгіёне. Публікуецца ў газеце «Дзвінская праўда» з артыкуламі па гісторыі Поўначы Беларусі.

Актыўны грамадскі дзеяч, папулярызатар беларускай нацыянальнай культуры, дзеяч беларускага адраджэнскага руху. З’яўляецца сябрам шэрага грамадскіх аб’яднанняў, старшынёй клуба «Шукальнік».

Папулярызатар турысцка-краязнаўчага руху ў Паўночнай Беларусі. Ініцыятар і арганізатарам рэгіянальных турслётаў, пешых, лыжных і водных турыстычных паходаў, займаецца добраўпарадкаваннем месцаў пахаванняў ахвяр Другой сусветнай вайны.

Узнагароды

Ганаровы грамадзянін Верхнядзвінска.

Крыніцы

Літаратура

Бяроза над затокай: вершы / А. Ф. Бубала. — Мінск, 2012.
Бубала Антон Францавіч // Краязнаўчая газета. — 2005 — № 12 (сакавік). — С. 2.
Пуцявінамі роднага краю: прырода і гісторыя Верхнядзвіншчыны / А. Ф. Бубала. — Наваполацк, 2017. — 248 с.

Спасылкі

Бубала, Антон Францавіч (краязнавец; літаратар; нар. 1942) // Нацыянальная бібліятэка Беларусі