Аркадзь Дзмітрыевіч Чарнышэвіч

З пляцоўкі Вікіпедыя
(Пасля перасылкі з Аркадзь Чарнышэвіч)
Jump to navigation Jump to search
Аркадзь Чарнышэвіч
Асабістыя звесткі
Імя пры нараджэнні: Аркадзь Дзмітрыевіч Чарнышэвіч
Дата нараджэння: 8 жніўня 1912(1912-08-08)
Месца нараджэння:
Дата смерці: 18 студзеня 1967(1967-01-18) (54 гады)
Прафесійная дзейнасць
Род дзейнасці: пісьменнік

Аркадзь Дзмітрыевіч Чарнышэвіч (8 жніўня 1912, в. Кулакі, Салігорскі раён Мінскай вобласці — 18 студзеня 1967) — беларускі празаік.

Біяграфічныя звесткі[правіць | правіць зыходнік]

Нарадзіўся ў сялянскай сям'і. Па заканчэнні Старобінскай сямігодкі (1928) памагаў бацькам у гаспадарцы. Падрыхтаваў і адаслаў у Белдзяржвыдавецтва зборнік апавяданняў «Хаты ажываюць», які не быў прыняты да друку. У 1930 бацьку раскулачылі і адправілі на будаўніцтва Беламорска-Балтыйскага канала, а сям'ю вывезлі ў Качоўскі раён Комі-Пярмяцкай акругі. А. Чарнышэвіч працаваў у пасёлку Янчэр рабочым на лесараспрацоўках, загадчыкам мясцовай крамы, настаўнічаў[1]. У 1940 завочна Скончыў Кудымкарскае педагагічнае вучылішча. У 1950 вярнуўся на радзіму, быў прызначаны дырэктарам Насовіцкай, а потым Свірскай пачатковых школ Мядзельскага раёна. Член Саюза пісьменнікаў СССР з 1954. З 1954 жыў у Радашковічах, потым пераехаў у Мінск. Апошнія гады жыцця былі асабліва творча актыўныя.

Пахаваны на Усходніх могілках у Мінску.

Творчасць[правіць | правіць зыходнік]

Першае апавяданне надрукаваў у 1927 (часопіс «Чырвоны сейбіт»). Сталай літаратурнай працай пачаў займацца з 1940, калі апублікаваў у часопісе «Полымя рэвалюцыі» падборку апавяданняў «Лета». Аўтар зборнікаў апавяданняў «Суседзі» (1956), «Марцін Когут» (1958), «Праз зімы і вёсны» (1960), «Новы дом» (1967), «Апавяданні» (1970), раманаў «Світанне» (1957), «Засценак Малінаўка» (1964, ч. 1; 1965, ч. 2), у 1982 абедзве часткі выйшлі пад назвай «Засценак Малінаўка».

Творчасці Аркадзя Чарнышэвіча ўласцівы дакладнае веданне вясковага побыту, сялянскай псіхалогіі, грунтоўная распрацаванасць вобразаў і малюнкаў беларускай прыроды, аналітызм, багатая мова.[2]

Пісаў для дзяцей. Выйшлі яго аповесці «У адной сям'і» (1951), «На сажалках» (1955), зборнікі апавяданняў «Зосін лужок» (1952), «Апавяданні старога Арцёма» (1958), «Складанец» (1969).

Бібліяграфія[правіць | правіць зыходнік]

  • Выбраныя творы. Т 1-2. Мн., 1979.

Ушанаванне памяці[правіць | правіць зыходнік]

Яго імем названа вуліца ў Радашковічах; на доме, дзе Аркадзь Чарнышэвіч жыў, устаноўлена мемарыяльная дошка.

Зноскі

  1. т. 5. Биографический справочник. Мн: Издательство «Белорусская советская энциклопедия» имени Петруся Бровки, 1982. 29 с.
  2. А. Шыловіч (1997)

Літаратура[правіць | правіць зыходнік]

  • Бугаёў Дз. Шматграннасць. Мн., 1970.
  • Куляшоў Ф. Шлях да майстэрства // Полымя. 1972. № 8.
  • Шыловіч А. Жаданая сустрэча // Полымя. 1980. № 7.
  • Беларускія пісьменнікі (1917—1990): даведнік / склад. А. Гардзіцкі. Мн., 1994.

Спасылкі[правіць | правіць зыходнік]