Артур Рэкхэм

Артур Рэкхэм
англ.: Arthur Rackham
Дата нараджэння	19 верасня 1867(1867-09-19)[…]
Месца нараджэння	Луішэм[d], Злучанае каралеўства Вялікабрытаніі і Ірландыі
Дата смерці	6 верасня 1939(1939-09-06)[…] (71 год)
Месца смерці	Limpsfield[d], Tandridge[d], Сурэй, Англія, Вялікабрытанія
Грамадзянства	Вялікабрытанія
Жонка	Edyth Starkie[d]
Род дзейнасці	мастак, ілюстратар, перакладчык, рысавальнік
Вучоба	Школа Лонданскага Сіці[d] City and Guilds of London Art School[d]
Мастацкі кірунак	Віктарыянскі казачны жывапіс[d]
Подпіс
Медыяфайлы на Вікісховішчы

Артур Рэкхэм (англ.: Arthur Rackham; 19 верасня 1867, Лондан, Англія — 6 верасня 1939, Сурэй, Англія) — англійскі ілюстратар, які праілюстраваў практычна ўсю класічную дзіцячую літаратуру на англійскай мове («Вецер у вербах», «Алісіны прыгоды ў дзівоснай краіне», «Пітэр Пэн у Кенсінгтонскім садзе»), а таксама «Сон у летнюю ноч» Шэкспіра і некаторыя оперы Рыхарда Вагнера. Прадстаўнік віктарыянскага казачнага жывапісу. Неаднаразова ўдастайваўся залатых медалёў на сусветных выставах. У 1914 годзе прайшла яго персанальная выстава ў Луўры.

Рэкхэм быў у першую чаргу бліскучым малявальшчыкам, аддаючы перавагу мудрагеліста выгінаючымся лініям пераплеценых галін, пеністых хваляў і чалавекападобных дрэў. Яго свет насяляюць дзіўныя стварэнні накшталт гномаў, эльфаў і фей, прычым у рысах некаторых угадваецца партрэтнае падабенства з аўтарам. Колеры змякчаныя і граюць падпарадкаваную ролю.

Прадстаўнік стылю мадэрн, Рэкхэм прызнаваў уплыў такіх ілюстратараў, як Джордж Крукшэнк і Обры Бёрдслі. У сваю чаргу, яго ўплыў адчуваецца ў ілюстрацыях Айды Рэнтул-Аўтуэйт, першых мультыплікацыйных фільмах Дыснея, у фільмах Ціма Бёртана (які абраў сваім лонданскім офісам былую кватэру Рэкхэма) і Гільерма дэль Тора (які кажа, што натхняўся малюнкамі Рэкхэма пры стварэнні «Лабірынта фаўна»).