Аршанскае Евангелле

З пляцоўкі Вікіпедыя
Перайсці да: рух, знайсці
Мініяцюра з выявай св. Лукі, ілюстрацыя з Аршанскага Евангелля
Мініяцюра з выявай св. Лукі, ілюстрацыя з Аршанскага Евангелля
Аршанскае Евангелле. XIII стагоддзе
рукапіс
Цэнтральная навуковая бібліятэка Акадэміі навук Украіны, Кіеў

Аршанскае Евангелле — беларускі рукапісны помнік канца XII — пачатку XIII стст. Выяўлена ў Оршы ў 1812 г.

Верагодна, створана на Полаччыне. Зберагліся 142 аркушы (без пачатку і канца), пісаныя ўставам на высакаякасным пергаменце. У Аршанскім Евангелле змешчаны 2 мініяцюры з выявамі евангелістаў Лукі і Мацвея (найбольш раннія ва ўсходне-славянскіх рукапісах), 2 застаўкі і 310 ініцыялаў з варыяцыямі старавізантыйскіх і першапачатковых тэраталагічных формаў (у асобных ініцыялах — выявы чалавека). За рэлігійнай аблонкай праглядаецца жывая народная аснова, што збліжае іх з размалёўкамі Спаса-Ефрасіннеўскага манастыра ў Полацку.

Зберагаецца у Цэнтральнай навуковай бібліятэцы АН Украіны.

Гл. таксама[правіць | правіць зыходнік]

Літаратура[правіць | правіць зыходнік]

  • Нікалаеў М. Палата кнiгапiсная. — Мн., 1993.
  • БЭ ў 18 тамах. Т.1, Мн., 1996, С.536
  • Суша А.А. Оршанское евангелие // Регионы Беларуси: энциклопедия. - Минск, 2011. – Т.2, кн.2. – С.260–261.