Арэхаўна (возера, Полацкі раён)

Арэхаўна
Морфаметрыя
Даўжыня	1,1 км
Шырыня	0,66 км
Плошча	0,47 км²
Аб’ём	0,0002 км³
Даўжыня берагавой лініі	3,16 км
Найбольшая глыбіня	0,8 м
Сярэдняя глыбіня	0,4 м
Гідралогія
Салёнасць	да 0,24 ‰
Празрыстасць	да дна м
Басейн
Плошча вадазбору	179 км²
Упадаюць	ручаі, канал
Выцякаюць	рака Нача
Размяшчэнне
Краіна	Беларусь
Рэгіён	Віцебская вобласць
Арэхаўна
Арэхаўна
Медыяфайлы на Вікісховішчы

Арэ́хаўна — возера ў Полацкім раёне Віцебскай вобласці ў басейне ракі Нача (выцякае з возера).

Плошча паверхні возера 0,47 км², даўжыня 1,1 км, найбольшая шырыня 0,66 км. Найбольшая глыбіня 0,8 м, сярэдняя — 0,4 м. Плошча вадазбору 179 км².
Катлавіна Арэхаўна рэшткавага тыпу. Схілы катлавіны спадзістыя вышынёй 5—10 метраў, на паўднёвым усходзе невыразныя. У паўднёвай частцы абразійны ўступ вышынёй 3—4 м. Берагавая лінія слабазвілістая. Берагі нізкія, сплавінныя. Пойма шырынёй 20—50 метраў, на паўднёвым усходзе да 700 метраў і забалочаная. Дно возера плоскае, уздоўж берагоў складаецца з апясчаненага глею. Астатняя частка дна выслана крэменязёмістым сапрапелем.
Возера Арэхаўна эўтрофнае, зарастае. На возеры востраў плошчай 0,5 га.

У возера ўпадаюць 2 ручаі і меліярацыйны канал, выцякае рака Нача. Арэхаўна злучана пратокай з возерам Забеліна. На паўночным беразе вёска Арэхаўна.

У возеры водзяцца шчупак, акунь, плотка і іншыя віды рыб.

Літаратура

• Энцыклапедыя прыроды Беларусі. У 5-і т. Т.1 / Рэдкал.: І. П. Шамякін (гал. рэд.) і інш. — Мн.: БелСЭ, 1983. — Т. 1. — 575 с. — 10 000 экз.
• Беларуская энцыклапедыя: У 18 т. Т.2: Аршыца — Беларусцы / Рэдкал.: Г. П. Пашкоў і інш. — Мн.: БелЭн, 1996. — Т. 2. — 480 с. — 10 000 экз. — ISBN 985-11-0061-7 (т. 2).
• Республика Беларусь. Атлас охотника и рыболова: Витебская область / Редактор Г. Г. Науменко. — Мн.: РУП «Белкартография», 2010. — С. 19. — 72 с. — 10 000 экз. — ISBN 978-985-508-136-5. (руск.)

Спасылкі

• Возера Арэхаўна Архівавана 7 лютага 2013.
• Ліст карты N-35-21. Выданне 1987 г. Стан мясцовасці на 1984 г. Архівавана 2 мая 2013.