Божына

Вёска Божына Краіна Беларусь Вобласць Мінская Раён Бярэзінскі Сельсавет Багушэвіцкі Каардынаты 53°43′26″ пн. ш. 28°56′58″ у. д. Насельніцтва 55 чал. (2010) Часавы пояс UTC+3 Тэлефонны код +375 1715 Аўтамабільны код 5 Божына на карце Беларусі ±

Бо́жына (трансліт.: Božyna, руск.: Божино) — вёска ў Бярэзінскім раёне Мінскай вобласці. Уваходзіць у склад Багушэвіцкага сельсавета. 32 гаспадаркі, 66 жыхароў (2008).

Геаграфія

Знаходзіцца за 14 км на паўднёвы захад ад Беразіно, 114 км ад Мінска. На ўсходзе цячэ рака Бярэзіна, прыток Дняпра. Транспартныя сувязі па дарозе Беразіно—Бабруйск.

Планіровачна складаецца з 2 (працяглай і кароткай) прамалінейных, паралельных паміж сабой вуліц, арыентаваных з паўднёвага ўсходу на паўночны захад уздоўж ракі. Забудавана двухбакова, шчыльна, драўлянымі дамамі сядзібнага тыпу.

Гісторыя

Вядома з 16 ст. У 1743 г. сяло Божыя, 10 двароў, кузня, карчма, уласнасць царквы. У 1777 г. пабудавана драўляная Ільінская царква.

З 1793 г. ў Расійскай імперыі. У 1800 г. сяло ў Ігуменскім павеце Мінскай губ., 44 двары. Дзейнічалі ўніяцкая царква, карчма, вадзяны млын, меўся гаспадарскі дом са службамі, уласнасць памешчыка М. Валовіча. Паводле рэвізіі 1811 г. мястэчка Божыя і вёска Новы Божыя (63 жыхары мужчынскага полу). У 1844 г. маёнтак і аднайменны фальварак, уласнасць памешчыка С. Ясенскага, у 1846 г. — губернскага сакратара І. Палянскага. У 1858 г. мястэчка, цэнтр маёнтка, уласнасць С. Ясенскага. У 1860 г. адкрыта царкоўна-прыходская школа, у якой у 1890 г. навучалася 27 хлопчыкаў і 2 дзяўчынкі. Паводле перапісу 1897 г. ў Брадзецкай вол., у сяле 39 двароў, у маёнтку З двары, на паштовай сядзібе З двары. Дзейнічалі Ільінская прыходская царква і капліца, багадзельня, хлебазапасны магазін, царкоўна-прыходская школа. У 1917 г. ў сяле 50 двароў.

У пач. 1920-х гадоў у маёнтку створана садова-агранамічная гаспадарка. З 20.8.1924 г. ў Перавозаўскім сельсавеце (да 1927 г. — цэнтр сельсавета) Бярэзінскага раёна Барысаўскай, з 9.6.1927 г. да 26.7.1930 г. Мінскай акруг БССР. У 1926 г. ў вёсцы 60 двароў, у пасёлку З двары. У 1930 г. створаны калгас «Камбайн». З 20.2.1938 г. ў Магілёўскай вобласці. На франтах Вялікай Айчыннай вайны загінулі 28 вяскоўцаў. З 20.9.1944 г. ў Мінскай вобласці. З 16.7.1954 г. ў Багушэвіцкім сельсавеце. З 25.12.1962 г. ў Чэрвеньскім, з 6.1.1965 г. зноў у Бярэзінскім раёнах. У 1980 г. ў складзе калгаса імя XXII з’езда КПСС (цэнтр — в. Міхалева), дзейнічаў магазін. У 1964 г. вёска перайменавана ў Прырэчча, гістарычная назва Божына вернута 9.1.1993 г.

Насельніцтва

• 1800 — 362 жыхары
• 1897 — у сяле 254 жыхары, у маёнтку 27 жыхароў, на паштовай сядзібе 13 жыхароў
• 1926 — у вёсцы 263 жыхары, у пасёлку 15 жыхароў
• 1960 — 219 жыхароў
• 2008 — 66 жыхароў

Літаратура

• Гарады і вёскі Беларусі: Энцыклапедыя. Т. 8, кн. 1. Мінская вобласць / Рэдкалегія: Т. У. Бялова (дырэктар) і інш. — Мн.: БелЭн, 2010. — 736 с.: іл. ISBN 978-985-11-0302-3.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх
• radzima.org