Буда (Жыткавіцкі раён)

Вёска Буда Краіна Беларусь Вобласць Гомельская Раён Жыткавіцкі Сельсавет Марохараўскі Каардынаты 52°30′11″ пн. ш. 28°00′00″ у. д. Першая згадка XX стагоддзе Насельніцтва 49 чалавек (2004) Часавы пояс UTC+3 Тэлефонны код +375 2353 Паштовыя індэксы 247966 Аўтамабільны код 3 СААТА 3216812006 Буда на карце Беларусі ±

Бу́да (трансліт.: Buda, руск.: Буда) — вёска ў Жыткавіцкім раёне Гомельскай вобласці. Уваходзіць у склад Марохараўскага сельсавета.

Геаграфія

Размяшчэнне

У 63 км на паўночны ўсход ад Жыткавіч, 38 км ад чыгуначнай станцыі Старушкі (на лініі Лунінец — Калінкавічы), 296 км ад Гомелю. На ўсходзе мяжуе з лесам.

Транспартная сетка

Транспартныя сувязі па прасёлкавай, затым аўтамабільнай дарозе Марохарава — Любань. Планіроўка складаецца з кароткай просталінейнай, блізкай да мерыдыянальнай арыентацыі вуліцы, да якой з усходу і захаду далучаюцца завулкі, на ўсходзе ад асноўнай праходзіць просталінейная, кароткая, амаль мерыдыянальнай арыентацыі вуліца. Забудова драўляная, сядзібнага тыпу.

Гісторыя

Заснавана напачатку XX стагоддзя як маёнтак Буда Дзякавіцкая. У 1917 годзе ў Дзякавіцкай воласці Мазырскага павета Мінскай губерні. У 1930 годзе арганізаваны калгас "Новая Буда", працавала гамарня. Падчас Вялікай Айчыннай вайны дзейнічала падпольная арганізацыя. Нямецкія акупанты ў сакавіку 1943 года спалілі вёску і забілі 48 жыхароў; 11 жыхароў загінулі на франтах. Паводле перапісу 1959 года ў складзе калгаса "Кастрычнік" (цэнтр — вёска Дзякавічы). Да 27 снежня 2022 года вёска ўваходзіла ў склад Дзякавіцкага сельсавета.

Насельніцтва

Колькасць

• 2004 год - 34 гаспадаркі, 49 жыхароў.

Дынаміка

• 1921 год - 191 жыхар.
• 1940 год - 87 двароў 348 жыхароў.
• 1959 год - 295 жыхароў (паводле перапісу).
• 2004 год - 34 гаспадаркі, 49 жыхароў.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. - Мн.: Белэн, 2004. 632 с.: іл. Тыраж 4000 экз. ISBN 985-11-0303-9 ISBN 985-11-0302-0

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх