Вальдэмар Віктаравіч Раманенка

Вальдэмар Віктаравіч Раманенка
Вальдэмар Віктаравіч Раманенка
Дата нараджэння	14 сакавіка 1937
Месца нараджэння	Цімкавічы, Цімкавіцкі сельсавет, Капыльскі раён, Слуцкая акруга, БССР, СССР;
Дата смерці	15 студзеня 2021 (83 гады)
Грамадзянства	СССР; Беларусь;
Род дзейнасці	навуковец
Навуковая сфера	Клінічная медыцына[d]
Месца працы	ГрДМУ; БДПУ; ІПКіПКАЗ; Капыльская ЦРБ[d];
Навуковая ступень	доктар медыцынскіх навук (1991)
Навуковае званне	прафесар;
Альма-матар	Мінскі медыцынскі інстытут (1960);
Узнагароды

Вальдэмар Віктаравіч Рамане́нка^[2] (14 сакавіка 1937 — 15 студзеня 2021^[3]) — вучоны ў галіне клінічнай медыцыны, доктар медыцынскіх навук (1991), прафесар (1991^[3]).

Біяграфія[правіць | правіць зыходнік]

Нарадзіўся ў вёсцы Цімкавічы (сучасны аграгарадок у Капыльскім раёне Мінскай вобласці Беларусі). У 1954 годзе скончыў у Цімкавічах сярэднюю школу^[3] і паступіў у Мінскі медыцынскі інстытут. Інстытут скончыў у 1960 годзе. У 1960—1964 гадах працаваў тэрапеўтам у Капыльскай раённай бальніцы^[3]. У 1964—1967 гадах вучыўся ў аспірантуры пры кафедры тэрапіі № 1 Беларускага інстытута ўдасканалення ўрачоў. У 1967 годзе невялікі час працаваў у Гродзенскім медыцынскім інстытуце асістэнтам кафедры факультэцкай тэрапіі. У 1967—1968 гадах у Мінскай абласной клінічнай бальніцы (урач-тэрапеўт), у 1968—1969 гадах — старшы выкладчык кафедры грамадзянскай абароны Мінскага педагагічнага інстытута^[3]. Кандыдацкую дысертацыю абараніў у 1968 годзе.

З 1969 года В. В. Раманенка кіраваў тэрапеўтычным аддзяленнем Беларускай навукова-даследчай лабараторыі экспертызы працаздольнасці і арганізацыі працы, у 1974—1980 гадах — адначасова намеснік дырэктара па навуковай рабоце навукова-даследчага інстытута, створанага на базе лабараторыі, у 1980—1981 гадах — старшы навуковы супрацоўнік арганізацыйна-метадычнага аддзела Беларускага навукова-даследчага інстытута экспертызы працаздольнасці і аховы працы інвалідаў^[3].

З 1981 года В. В. Раманенка ў Беларускім інстытуце ўдасканалення ўрачоў (сучасная Беларуская медыцынская акадэмія паслядыпломнай адукацыі). Тут ён у 1981—1988 гадах займаў пасаду асістэнта кафедры неадкладнай тэрапіі, з 1989 па май 2003 года — загадчык кафедры № 3 па падрыхтоўцы ўрачоў-інтэрнаў (пазней — кафедра клінічнай фармакалогіі і тэрапіі), з 2003 года па чэрвень 2014 года — прафесар кафедры^[3].

Памёр В. В. Раманенка 15 студзеня 2021 года^[3].

Навуковая дзейнасць[правіць | правіць зыходнік]

Аўтар больш за 160 апублікаваных прац, 5 вучэбных дапаможнікаў і манаграфій^[3]. Навуковыя працы па механізмах рэадаптацыі кардыярэспіраторнай сістэмы і прагназаванні вынікаў хірургічнага лячэння хворых з набытымі заганамі сэрца, па эпідэміялогіі, структуры і падставах інваліднасці пры ўнутраных хваробах, па механізмах медыка-сацыяльнай рэабілітацыі.

Сярод апублікаваных прац:

Врачебно-трудовая экспертиза и трудовое устройство при хронической неспецифической пневмонии с сегментарным и диффузным пневмосклерозом: (методические указания) / Министерство социального обеспечения БССР, Белорусская научно-исследовательская лаборатория экспертизы трудоспособности и организации труда инвалидов. — Мн.: [б. и.], 1971.
Механизмы компенсации при митральном стенозе / А. В. Шотт, В. К. Кухта, В. В. Романенко. — Мн. Беларусь, 1978.
Приобретенные пороки сердца: хирургическое лечение: учебное пособие для слушателей системы последипломного медицинского образования / В. В. Романенко, З. В. Романенко. — Мн.: БГМУ, 2004.
Острая ревматическая лихорадка: этиология, диагностика, лечение, профилактика: [практическое руководство для врачей] / В. В. Романенко, З. В. Романенко. — Мн.: БелМАПО, 2004.

Узнагароды и званні[правіць | правіць зыходнік]

Медаль «Ветэран працы» (1990)
Ганаровая грамата Міністэрства сацыяльнага забеспячэння БССР (1977)
Ганаровая грамата Цэнтральнага камітэта Беларускага прафсаюза медыцынскіх работнікаў (1977)
Шэраг заахвочванняў ад БелМАПА
Урач вышэйшай катэгорыі па спецыяльнасцям «тэрапія» і «кардыялогія» (2009)^[3].

Зноскі

↑ https://belmapo.by/voldemar-viktorovich-romanenko.-nekrolog.html
↑ БелЭн 2001.
↑ ^а ^б ^в ^г ^д ^е ^ё ^ж ^з ^і Вольдемар Викторович Романенко. Некролог (руск.) // Сайт БелМАПА

Літаратура[правіць | правіць зыходнік]

Раманенка Вальдэмар Віктаравіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 293. — 10 000 экз. — ISBN 985-11-0035-8. — ISBN 985-11-0216-4 (т. 13).

Спасылкі[правіць | правіць зыходнік]

[_3cdea4a02d117fe8-1] ttps://belmapo.by/voldemar-viktorovich-romanenko.-nekrolog.html

[FOOTNOTEБелЭн2001-2] БелЭн 2001.

[БелМАПА-3] а ^б ^в ^г ^д ^е ^ё ^ж ^з ^і Вольдемар Викторович Романенко. Некролог (руск.) // Сайт БелМАПА

[1]

[2]

[3]