Васіль Савіч Гарбацэвіч

Васіль Савіч Гарбацэвіч
Васіль Савіч Гарбацэвіч
Асабістыя звесткі
Дата нараджэння	7 (19) красавіка 1893
Месца нараджэння	Дукора, Ігуменскі павет, Мінская губерня, Расійская імперыя;
Дата смерці	17 верасня 1985 (92 гады)
Месца смерці	Дукора, Дукорскі сельсавет, Пухавіцкі раён, Мінская вобласць, БССР, СССР;
Пахаванне	Дукора;
Грамадзянства	БССР;
Альма-матар	Рагачоўская настаўніцкая семінарыя (1913); Мінскі настаўніцкі інстытут (1918); Беларускі дзяржаўны вышэйшы педагагічны інстытут (1933);
Месца працы	Мар’інагорскі дзяржаўны аграрна-тэхнічны каледж імя У. Е. Лабанка; Магілёўскі Беларускі педагагічны тэхнікум; Дукорскі навучальна-педагагічны комплекс дзіцячы сад-сярэдняя школа;
Прафесійная дзейнасць
Род дзейнасці	мемуарыст, драматург, настаўнік
Мова твораў	беларуская
Грамадская дзейнасць
Член у	Саюз пісьменнікаў СССР; Маладняк;
Узнагароды	;
	Медыяфайлы на Вікісховішчы

Васіль Савіч Гарбацэвіч (7 (19) красавіка 1893, вёска Дукарка (цяпер Дукора) Пухавіцкі раён, Мінская вобласць — 17 верасня 1985, Дукора) — беларускі драматург, мемуарыст, педагог. Адзін з заснавальнікаў беларускай савецкай драматургіі. Заслужаны настаўнік БССР (1947)^[1].

Біяграфія

Нарадзіўся ў сялянскай сям'і. У 1913 г. скончыў Рагачоўскую настаўніцкую семінарыю. Працаваў настаўнікам Лютаўскай земскай школы пад Сянно (1913—1915). Скончыў Мінскі настаўніцкі інстытут (1918) і Беларускі дзяржаўны вышэйшы педагагічны інстытут (1933). Настаўнічаў у Дукорскай школе (1918—1924), выкладаў беларускую мову і літаратуру ў Магілёўскім педагагічным тэхнікуме (1924—1929).

Арганізатар і кіраўнік Магілёўскай філіі «Маладняка» (1925–1928).

Удзельнік Вялікай Айчыннай вайны. У 1943 г. пад Каневам быў цяжка паранены. Настаўнічаў ў вёсцы Дукора на Міншчыне (1933—1941, 1945–1957).

Сябра СП СССР з 1981 г.

Памёр 17 верасня 1985 года ў в. Дукора. Пахаваны на мясцовых могілках^[2].

Творчасць

Друкаваўся з 1923 г. Яго п'еса «Вяселле», напісаная на аснове беларускага вясельнага абраду, пастаўлена БДТ (1921). Іншыя п'есы: «Чырвоныя кветкі Беларусі» (пра подзвіг дукорскіх партызан у барацьбе супраць польскіх акупантаў) апублікавана і пастаўлена ў 1923, асобнае выданне ў 1959; «К бяздонню» (пастаўлена ў 1922), «Пад вішнёвымі садкамі» (апублікавана ў 1927), «Песні нашых дзён» (прысвечана калектывізацыі, 1930).

У 1983 г. выйшаў зборнік п'ес «Чырвоныя кветкі Беларусі». Аўтар успамінаў пра сустрэчы з М. Багдановічам у Яраслаўлі («Шлях паэта», 1975).

Для творчасці В. Гарбацэвіча характэрна адчуванне сучаснасці, насычанасць маляўнічымі фальклорнымі матывамі, яркая сцэнічнасць, глыбокае веданне народнай мовы^[3].

Узнагароды

ордэн Працоўнага Чырвонага Сцяга
ордэн Айчыннай вайны I ступені

Зноскі

↑ Горбацевич Василий Саввич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 159. — 737 с.
↑ Брэская — Гарэцкі – Белліт (бел.) (14 ліпеня 2023). Праверана 4 жніўня 2024.
↑ Васіль Савіч Гарбацэвіч(недаступная спасылка)

Літаратура

Беларуская энцыклапедыя: У 18 т. Т. 5: Гальцы — Дагон / Рэдкал.: Г. П. Пашкоў і інш. — Мн. : БелЭн, 1997. — Т. 5. — С. 54.
Гарбацэвіч Васіль // Беларускія пісьменнікі: Біябібліяграфічны слоўнік. У 6 т. / пад рэд. А. І. Мальдзіса. — Мн.: Беларуская Энцыклапедыя, 1992—1995. — Т. 2. — С. 116.
Беларускія пісьменнікі (1917—1990) : даведнік / складальнік А. К. Гардзіцкі. — Мінск: Мастацкая літаратура, 1994. ISBN 5-340-00709-X. — С. 121.
Завадская, І. Тэатр аднаго настаўніка / І. Завадская // Роднае слова. — 2003. — № 4. — С. 102.

Спасылкі

Гарбацэвіч Васіль Савіч Архівавана 29 лістапада 2018.

[БС-1] Горбацевич Василий Саввич // Биографический справочник. — Мн.: «Белорусская советская энциклопедия» имени Петруся Бровки, 1982. — Т. 5. — С. 159. — 737 с.

[2] Брэская — Гарэцкі – Белліт (бел.) (14 ліпеня 2023). Праверана 4 жніўня 2024.

[3] Васіль Савіч Гарбацэвіч(недаступная спасылка)

[1]

[2]

[3]