Васіль Савіч Гарбацэвіч

З пляцоўкі Вікіпедыя
Jump to navigation Jump to search
Васіль Савіч Гарбацэвіч
Асабістыя звесткі
Дата нараджэння: 19 красавіка 1893(1893-04-19)
Месца нараджэння:
Дата смерці: 17 верасня 1985(1985-09-17) (92 гады)
Грамадзянства:
Альма-матар:
Месца працы:
Прафесійная дзейнасць
Род дзейнасці: мемуарыст, драматург
Грамадская дзейнасць
Член у
Узнагароды:
іншыя значэнні У Вікіпедыі ёсць артыкулы пра іншых асоб з прозвішчам Гарбацэвіч.

Васіль Савіч Гарбацэвіч (19 красавіка 1893, вёска Дукарка (цяпер Дукора) Пухавіцкі раён, Мінская вобласць — 17 верасня 1985) — беларускі драматург, мемуарыст, педагог. Заслужаны настаўнік БССР (1947)[1].

Біяграфія[правіць | правіць зыходнік]

Нарадзіўся ў сялянскай сям'і. У 1913 г. скончыў Рагачоўскую настаўніцкую семінарыю. Працаваў настаўнікам Лютаўскай земскай школы пад Сянно (1913—1915). Скончыў Мінскі настаўніцкі інстытут (1918). Настаўнічаў у Дукорскай школе (1918—1924), выкладаў беларускую мову і літаратуру ў Магілёўскім педагагічным тэхнікуме (1924—1929). Арганізатар і кіраўнік Магілёўскага філіяла «Маладняка». У 1933 г. скончыў Мінскі вышэйшы педагагічны інстытут[1].

Удзельнік Вялікай Айчыннай вайны. У 1943 г. пад Каневам быў цяжка паранены. Настаўнічаў з перапынкамі ў вёсцы Дукора на Міншчыне (1933—1957). Сябра СП СССР з 1981 г.

Творчасць[правіць | правіць зыходнік]

Для творчасці пісьменніка характэрна адчуванне сучаснасці, насычанасць маляўнічымі фальклорнымі матывамі, яркая сцэнічнасць, глыбокае веданне народнай мовы[2].

Аўтар п'ес «Вяселле» (напісана на аснове беларускага вясельнага абраду, пастаноўка Беларускага драматычнага тэатра 1921), «Чырвоныя кветкі Беларусі» (пра подзвіг дукорскіх партызан у барацьбе супраць польскіх акупантаў, апублікавана і пастаўлена ў 1923, асобнае выданне ў 1959), «Пад вішнёвымі садкамі» (апублікавана ў 1927), «Песні нашых дзён» (прысвечана калектывізацыі, 1930)[1]. У 1983 г. выйшаў зборнік п'ес «Чырвоныя кветкі Беларусі». Аўтар успамінаў пра сустрэчы з М. Багдановічам у Яраслаўлі («Шлях паэта», 1975).

Узнагароды[правіць | правіць зыходнік]

  • ордэн Працоўнага Чырвонага Сцяга
  • ордэн Айчыннай вайны I ступені

Зноскі

  1. ↑ 1,0 1,1 1,2 Горбацевич Василий Саввич // Биографический справочник — Мн.: «Белорусская советская энциклопедия» имени Петруся Бровки, 1982. — Т. 5. — С. 159. — 737 с.
  2. ↑ Васіль Савіч Гарбацэвіч

Літаратура[правіць | правіць зыходнік]

  • Беларускія пісьменнікі (1917—1990) : даведнік / складальнік А. К. Гардзіцкі. — Мінск: Мастацкая літаратура, 1994. ISBN 5-340-00709-X. С. 121.
  • Завадская, І. Тэатр аднаго настаўніка / І. Завадская // Роднае слова. — 2003. — № 4. — С. 102.

Спасылкі[правіць | правіць зыходнік]

Узята з "https://be.wikipedia.org/w/index.php?title=Васіль_Савіч_Гарбацэвіч&oldid=3327193"