Вяртанне (фільм, 2006)

Вяртанне
ісп.: Volver
Жанр	кінакамедыя, драматычны фільм, камедыйная драма[d] і крымінальны фільм[d]
Рэжысёр	Педра Альмадовар
Прадзюсар	Esther García[d]
Сцэнарыст	Педра Альмадовар
У галоўных ролях	Пенелопа Крус Кармен Маўра Lola Dueñas[d] Blanca Portillo[d] Chus Lampreave[d] Yohana Cobo[d] Antonio de la Torre[d] Yolanda Ramos[d] María Isabel Díaz[d] Carmen Machi[d] Pilar Castro[d] Neus Sanz i Escobar[d]
Аператар	José Luis Alcaine Escaño[d]
Кампазітар	Альберта Іглесіяс
Кінакампанія	El Deseo[d]
Працягласць	121 хв.
Бюджэт	9 400 000 $
Зборы	87 200 000 $
Краіна	Іспанія
Мова	іспанская мова
Год	10 сакавіка 2006, 3 жніўня 2006 і 17 сакавіка 2006
IMDb	ID 0441909
Афіцыйны сайт

«Вяртанне» (ісп.: Volver) — фільм Педра Альмадовара. Па словах рэжысёра, гэта гісторыя, у якой прысутнічаюць «бабуля, маці, дачка, здані і танга». Фільм удзельнічаў у конкурснай праграме Канскага кінафестывалю 2006 года. Педра Альмадовар атрымаў прыз за лепшы сцэнарый, а актрысы, якія ўдзельнічалі ў фільме, атрымалі калектыўную ўзнагароду за акцёрскую працу.

Анатацыя

Пенелопа Круc у ролі Раймунды

Педра Альмадовар працягвае адну са сваіх галоўных тэм — жанчыны. Гэта гісторыя пра тры пакаленні жанчын (бабуля, маці і дачка), прадстаўленая праз прызму сямейных, сяброўскіх, суседскіх і любоўных адносін.

Пасля сваёй смерці Ірэнэ вяртаецца ў родны горад у відзе здані, каб зрабіць тое, што не паспела пры жыцці — папрасіць прабачэння. У яе ёсць тайна.

Яна паўстае перад сваёй малодшай дачкой і ўнучкай. Пачынае весці звычайны лад жыцця: змяняе прычоску, рыхтуе ежу і нават уладкоўваецца на працу (дапамагае сваёй дачцы — цырульніку). Ужо занадта натуральна і свабодна паводзіць сябе Ірэнэ для здані…

Адзіная, каго баіцца здань-маці — сваю старэйшую дачку — валявую Раймунду. У Раймунды, у сваю чаргу, таксама ёсць тайна, а з развіццём сюжэту з’яўляецца яшчэ адна. Ці змогуць гераіні вырашыць усе свае праблемы і ці прывядзе гэта да шчаслівага канца?

Узнагароды і намінацыі

• На Канскім кінафестывалі 2006 года фільм атрымаў узнагароды ў катэгорыях «Лепшы сцэнарый» і «Лепшая актрыса», прычым апошняя была прысуджана адразу шасці актрысам, якія зняліся ў фільме — Пенелопе Крус, Лоле Дуэньяс, Кармен Маўры, Бланцы Парцільё, Ёане Коба і Чус Лампрэаве.
• У 2006 годзе фільм атрымаў узнагароду ФІПРЭСІ ў катэгорыі «Фільм года» на міжнародным Сан-Себасцьянскім кінафестывалі.
• Быў прадстаўлены на кінафестывалі ў Таронта ў 2006 годзе.
• Па выніках 2006 года намінаваны на кінапрэмію Гоя ў 14 катэгорыях, у тым ліку «Лепшы фільм», «Лепшы рэжысёр», «Лепшая жаночая роля», «Лепшы арыгінальны сцэнарый» і 3 намінацыі ў катэгорыі «Лепшая жаночая роля другога плану».

Цікавыя факты

• Volver — (з ісп. «вярнуцца») легендарнае аргенцінскае танга, увекавечанае Карласам Гардэлем. У фільме выканана Эстрэльяй Марэнтэ.
• У папярэдняй карціне Педра Альмадовара «Дурное выхаванне» (La mala educación, 2004) ёсць адзін намёк на фільм «Вяртанне» і адзін на творчасць Альмадовара: па-першае, афіша фільма Энрыке Гадэда «Бабуля — здань», па-другое, на яшчэ адной афішы ў кабінеце дырэктара El Azar S.L. злева ўнізе фігуруе імя актрысы Кармен Маўры, якая сыграла ў некалькіх фільмах Альмадовара.
• У карціне Педра Альмадовара «Кветка маёй таямніцы» (La flor de mi secreto, 1995) сюжэт «Вяртання» згадваецца як сюжэт адной з кніг, напісаных галоўнай гераіняй.

Спасылкі

• Афіцыйны сайт фільма Архівавана 13 чэрвеня 2011.
• Вяртанне на сайце «AllMovie» (англ.)
• Інтэрв’ю Пенелопы Крус і Педра Альмадовара, апублікаванае ў газеце The Guardian
• Інтэрв’ю Пенелопы Крус для LA Times