Ставішча (Брэсцкі раён)

Вёска Ставішча Краіна Беларусь Вобласць Брэсцкая Раён Брэсцкі Сельсавет Матыкальскі Каардынаты 52°11′16″ пн. ш. 23°40′14″ у. д. Насельніцтва 37 чал. (1999) Часавы пояс UTC+3 Тэлефонны код +375 162 Аўтамабільны код 1 Ставішча на карце Беларусі ±

Ста́вішча (трансліт.: Stavišča, руск.: Ставище) — вёска ў Брэсцкім раёне Брэсцкай вобласці. Уваходзіць у склад Матыкальскага сельсавета. Размешчана за 11 кіламетраў на поўнач ад Брэста.

Насельніцтва

• 8 гаспадарак, 16 жыхароў (2005)
• 14 двароў, 107 жыхароў (1897)
• 135 жыхароў (1905)
• 83 жыхары (1921)
• 139 жыхароў (1959)
• 127 жыхароў (1970)

Гісторыя

Паводле пісьмовых крыніц вядомы з 17 стагоддзя як маёнтак Ставішчы ў Берасцейскім павеце і ваяводстве ВКЛ. У 19 стагоддзі вёска ў Брэсцкім павеце Гродзенскай губерні. Уваходзілі ў склад маёнтка Кавярдзякі, што належаў пану Ф.Ягміну. Паводле рэвізійных матэрыялаў 1858 года 48 сялянскіх душ. У 1870 годзе ўваходзіла ў Кавердзякоўскую сельскую грамаду. У 1905 годзе ў Матыкальскай воласці. Паводле Рыжскага мірнага дагавора 1921 года ў складзе Польшчы, у Матыкальскай гміне Брэсцкага павета Палескага ваяводства. З 1939 года ў складзе БССР. У Вялікую Айчынную вайну загінулі 4 вяскоўцы.

Знаходзіцца ў складзе сельскагаспадарчага прадпрыемства "Селекцыйна-гібрыдны цэнтр ""Заходні".

Літаратура

• Гарады і вёскі Беларусі: Энцыклапедыя ў 15 тамах. Т. 3, кн. 1. Брэсцкая вобласць / пад навук. рэд. А. І. Лакоткі. — Мн.: БелЭн, 2006. ISBN 985-11-0373-X.

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх