Віктар Мітрафанавіч Пузікаў

Віктар Мітрафанавіч Пузікаў
Дата нараджэння	7 верасня 1928(1928-09-07)
Месца нараджэння	Балотнікі, Обальскі сельсавет, Шумілінскі раён, Віцебская вобласць, Беларусь
Дата смерці	25 чэрвеня 2001(2001-06-25) (72 гады)
Грамадзянства	СССР  Беларусь
Род дзейнасці	навуковец
Навуковая сфера	філасофія і культуралогія
Месца працы	Беларускі дзяржаўны эканамічны ўніверсітэт Беларускі дзяржаўны ўніверсітэт культуры і мастацтваў
Навуковая ступень	кандыдат філасофскіх навук (1958)
Навуковае званне	прафесар
Альма-матар	БДУ (1953)
Узнагароды

Віктар Мітрафанавіч Пу́зікаў (7 верасня 1928 — 25 чэрвеня 2001) — вучоны, філосаф і культуролаг, кандыдат філасофскіх навук (1958), прафесар (1978), Заслужаны работнік вышэйшай школы БССР (1975).

Біяграфія

Нарадзіўся ў вёсцы Балотнікі (Шумілінскі раён, Віцебская вобласць, Беларусь). У 1953 годзе скончыў Беларускі дзяржаўны ўніверсітэт. З 1957 года ў Беларускім інстытуце народнай гаспадаркі, дзе ў 1960—1972 і 1987—1996 гадах загадваў лабараторыяй, а ў 1968—1979 гадах — прарэктар. У 1979—1987 годзе займаў пасаду рэктара Мінскага інстытута культуры. У 1987—2001 гадах В. М. Пузікаў зноў у Беларускім інстытуце народнай гаспадаркі на пасадзе загадчыка кафедры.

Навуковая дзейнасць

Займаўся вывучэннем пытанняў гісторыі філасофіі і сацыялогіі, асветы і культуры Беларусі. Сярод апублікаваных прац:

• Новыя матэрыялы аб дзейнасці Сімеона Полацкага // Весці Акадэміі навук БССР. Серыя грамадскіх навук. — 1957. — № 4. — С. 71—78.
• Очерки истории философской и социологической мысли в Белоруссии (до 1917 года). — Мн., 1973 (у сааўтарстве);
• Гісторыя культуры Беларусі. — Мн., 1993. (разам з У. У. Качаноўскім);
• Философия: Курс лекций. — Мн., 1995. (у сааўтарстве).

Узнагароды і званні

• Ордэн Айчыннай вайны I ступені (06.04.1985)
• Заслужаны работнік вышэйшай школы БССР (1975)

Літаратура

• Савік М. П. Пузікаў Віктар Мітрафанавіч // Беларуская энцыклапедыя: У 18 т. Т. 13: Праміле — Рэлаксін / Рэдкал.: Г. П. Пашкоў і інш. — Мн. : БелЭн, 2001. — Т. 13. — С. 118. — 10 000 экз. — ISBN 985-11-0035-8. — ISBN 985-11-0216-4 (т. 13).
• Федотов М. П. Разведка продолжает поиск. — Мн.: Беларусь, 1988.

Спасылкі

• Вучоныя Беларусі: Пузікаў, Віктар Мітрафанавіч (кандыдат філасофскіх навук; 1928—2001) // Нацыянальная бібліятэка Беларусі
• Прыдзвінскі край: гісторыя і сучаснасць. Пузікаў Віктар Мітрафанавіч
• Пузиков Виктор Митрофанович // Обобщённый банк данных «Подвиг народа в Великой Отечественной войне 1941—1945 гг.» Архівавана 14 верасня 2020. (руск.)