Гальяш Леўчык

З пляцоўкі Вікіпедыя
Перайсці да: рух, знайсці
Гальяш Леўчык
Ілья Ляўковіч
Lewczyk.jpeg
Асабістыя звесткі
Дата нараджэння:

20 ліпеня 1880(1880-07-20)

Месца нараджэння:

Слонім, Слонімскі павет[d], Гродзенская губерня, Літоўскае генерал-губернатарства, Расійская імперыя

Дата смерці:

1944

Месца смерці:

Варшава, Генерал-губернатарства[d], Трэці рэйх

Літаратурная дзейнасць
Род дзейнасці:

перакладчык, паэт, беларусазнавец, іміджмейкер

Гады творчасці:

19081944

Лагатып Вікікрыніц Творы ў Вікікрыніцах
Commons-logo.svg Выявы на Вікісховішчы

Гальяш Леўчык, сапр. Ілья Ляўковіч (20 ліпеня 1880, Слонім1944, Варшава) — беларускі паэт, беларусазнавец, публіцыст, перакладчык, музыкант.

Біяграфія[правіць | правіць зыходнік]

Ілья Ляўковіч нарадзіўся ў сям'і каваля. Скончыў Слонімскае павятовае вучылішча. Служыў у канцылярыях з'ездаў міравых суддзяў, судовага следчага ў Слоніме. У 1904-20 працаваў чарцёжнікам у магістраце Варшавы. Пастаянна жыў у Варшаве, але лета праводзіў звычайна ў Слоніме, дзе меў свой дом.

Друкавацца Гальяш Леўчык пачаў з 1908 у «Нашай ніве». Выдаў зборнік вершаў «Чыжык беларускі» (Вільня, 1912). У 1920-я прымкнуў да рэвалюцыйна-рамантычнага кірунку заходнебеларускай паэзіі. Выступаў як публіцыст, гумарыст і сатырык (друкаваўся ў гумарыстычных часопісах «Авадзень», «Маланка»). Супрацоўнічаў з дзіцячым часопісам «Заранка».

«Чыжык беларускі». 1912

Г. Леўчык быў вялікім кніжнікам. Меў багатыя, найперш беларусазнаўчыя бібліятэкі ў Варшаве і Слоніме. Збіраў і апрацоўваў фальклор, узоры народнай керамікі. Добра іграў на гітары, акарыне, маляваў. На свае тэксты пісаў музыку (зберагліся ноты яго песні «Мне трэба умярці…»). Пераклаў на беларускую мову творы Ю. Славацкага, У. Сыракомлі, М. Канапніцкай, К. Тэтмаера, А. Лянге і інш. Падрыхтаваныя ім зборнікі вершаў «Беларускі жаваранак» і трыялетаў «Мудра пагаворка — соладка і горка» аўтару выдаць не ўдалося.

Памёр Г. Леўчык у час Варшаўскага паўстання.

У філатэліі[правіць | правіць зыходнік]

Зноскі

Літаратура[правіць | правіць зыходнік]

  • Туронак Ю. Пра Гальляша Леўчыка // Беларускі каляндар. Беласток, 1980.

Спасылкі[правіць | правіць зыходнік]

Лагатып Вікіцытатніка
У Вікікрыніцах ёсць тэксты па тэме
Гальяш Леўчык