Галіна Францаўна Бальчэўская

Галіна Францаўна Бальчэўская
Галіна Францаўна Бальчэўская
Дата нараджэння	20 студзеня 1945
Месца нараджэння	Палессе, Будслаўскі сельсавет, Крывіцкі раён, Маладзечанская вобласць, БССР, СССР;
Дата смерці	17 мая 2005 (60 гадоў)
Грамадзянства	Беларусь;
Адукацыя	Беларуская дзяржаўная акадэмія мастацтваў;
Прафесія	акцёрка
Тэатр	Нацыянальны акадэмічны драматычны тэатр імя Якуба Коласа; Нацыянальны акадэмічны тэатр імя Янкі Купалы;

Галіна Францаўна Бальчэ́ўская (нар. 20 студзеня 1945, в. Палессе, Мядзельскі раён, Мінская вобласць — 17 мая 2005) — беларуская актрыса. Заслужаная артыстка Беларусі (1999).

Біяграфія[правіць | правіць зыходнік]

Выхоўвалася ў дзіцячым доме ў Чэрвені (бацька пакінуў сям'ю, неўзабаве памерла маці). Год працавала на Мінскім мотавелазаводзе. Скончыла ў 1968 годзе Беларускі тэатральна-мастацкі інстытут. З 1968 года актрыса Беларускага тэатра імя Я. Коласа, з 1972 года Нацыянальнага акадэмічнага тэатра імя Я. Купалы.

Творчасць[правіць | правіць зыходнік]

Яе творчасці ўласцівы эмацыйная напоўненасць, псіхалагічная дакладнасць, мяккі лірызм, паэтычная адухоўленасць. Сярод роляў: Дуля Пракопіна («Плач перапёлкі» паводле І. Чыгрынава), Маня («Верачка» А. Макаёнка), Марфа («Дагарэла свечачка…» А. Петрашкевіча), Зоська, Адэля, Грыпіна («Ажаніцца — не журыцца» Далецкіх і М. Чарота), Альжбета («Паўлінка» Я. Купалы), Ізабела Дрозд («Амністыя» М. Матукоўскага), Віталія («Снежныя зімы» паводле І. Шамякіна), Акуліна («Улада цемры» Л. Талстога), Фяклуша, Уліта («Навальніца», «Лес» А. Астроўскага), Люсета («Нежанаты мнагажэнец, або Залёты пана дэ Пурсаньяка» Мальера), Ліза Брычкіна («А досвіткі тут ціхія…» паводле Б. Васільева), Шафак («У ноч зацьмення месяца» М. Карыма), Валя («Характары» паводле В. Шукшына), Элейн («Пакуль мамы няма дома» Н. Саймана) і інш.

Зноскі

Літаратура[правіць | правіць зыходнік]

Бальчэўская Галіна Францаўна // Беларуская энцыклапедыя: У 18 т. Т. 18. Кн. 1: Дадатак: Шчытнікі — Яя / Рэдкал.: Г. П. Пашкоў і інш. — Мн. : БелЭн, 2004. — Т. 18. Кн. 1. — 472 с. — 10 000 экз. — ISBN 985-11-0035-8. — ISBN 985-11-0295-4 (т. 18. Кн. 1).
Марціновіч Д.А. Жанчыны ў жыцці Уладзіміра Караткевіча. — Мн.: Чатыры чвэрці, 2014. — С. 95—98.