Георгій Сяргеевіч Скрыпнічэнка

Георгій Сяргеевіч Скрыпнічэнка
Георгій Скрыпнічэнка. Фота Яўгена Колчава.
Дата нараджэння:	12 лістапада 1940(1940-11-12)
Месца нараджэння:	Мікалаеў, Мікалаеўская вобласць, УССР, СССР
Дата смерці:	12 жніўня 2015(2015-08-12) (74 гады)
Месца смерці:	Мінск, Беларусь
Грамадзянства:	→
Род дзейнасці:	мастак
Жанр:	пейзаж, партрэт, тэматычная карціна
Вучоба:	Мінскае мастацкае вучылішча (1966)
Стыль:	сюррэалізм
Вядомыя працы:	серыя «Выдатныя дзеячы беларускай культуры» (1979), серыя «Мастакі Айчыне» (1994—97)
Уплыў:	Іосіф Эйдэльман, Альгерд Малішэўскі, Леанід Шчамялёў
Працы на Вікісховішчы

Георгій Сяргеевіч Скрыпнічэ́нка (12 лістапада 1940, Мікалаеў, УССР — 12 жніўня 2015, Мінск) — беларускі мастак.

Біяграфія

Нарадзіўся 12 лістапада 1940 года ў Мікалаеве (УССР). У 1966 годзе скончыў Мінскае мастацкае вучылішча. У 1970—74 гадах працаваў ва Усесаюзным НДІ тэхнічнай эстэтыкі.

Творам уласціва сюррэалістычная скіраванасць. Метафарычнасцю мастацкай мовы, стылізатарскай разнастайнасцю, кампазіцыйнай завершанасцю, колеравай насычанасцю вылучаюцца трыпціхі: «Мірная зямля», «Вобразы мілыя роднага краю» (абодва 1981), карціны «Адчуванне Радзімы» (1969), «Жакей» (1982), «Алегорыя свету» (1984), «Прысвячэнне М. Селяшчуку» (1986), «Экалагічная раўнавага» (1989), «Скарына на Радзіме», «Як справы ў Чарнобылі?» (1990), «Страчаныя мары» (1991), «Смутак» (1990—95), «Апошнія гульні» (1995), «Памяркоўны», «Час майго жыцця» (абедзве 1996), «Забруджаная зямля» (1997), «Да 200-годдзя А. Міцкевіча» (1998), «Суіснаванне» (1980—2000), «Ланцуг жорсткасці» (2000), «Гальшаны», «Радзіма Ф. Рушчыца — Вішнева, Багданава» (абедзве 2001), серыя «Мастакі Айчыне» (1994—97). Аўтар графічных работ «Выдатныя дзеячы беларускай культуры» (1979), «Метамарфозы» (паводле твораў В. Дуніна-Марцінкевіча; 1983).

Памёр 12 жніўня 2015 года ў Мінску.

Да гадавіны смерці мастака ў Нацыянальным мастацкім музеі экспанавалася выстаўка «Метамарфозы».

Літаратура

• Салавей Л. Скрыпнічэнка // БЭ ў 18 т. Т. 14. Мн., 2002.

Спасылкі

• «Гульня ўпоцемках Георгія Скрыпнічэнкі». Інтэрв'ю з мастаком.