Града (Жыткавіцкі раён)

Вёска Града Краіна Беларусь Вобласць Гомельская Раён Жыткавіцкі Сельсавет Людзяневіцкі Каардынаты 52°10′13″ пн. ш. 27°38′00″ у. д. Першая згадка XX стагоддзе Насельніцтва 317 чалавек (2004) Часавы пояс UTC+3 Тэлефонны код +375 2353 Паштовыя індэксы 247972 Аўтамабільны код 3 СААТА 3216820012 Града на карце Беларусі ±

Града́ (трансліт.: Hrada, руск.: Гряда) — вёска ў Жыткавіцкім раёне Гомельскай вобласці. Уваходзіць у склад Людзяневіцкага сельсавета.

На захадзе біялагічны заказнік рэспубліканскага значэння «Нізоўе Случы».

Геаграфія

Размяшчэнне

У 25 км на паўднёвы захад ад Жыткавіч, 9 км ад чыгуначнай станцыі Дзедаўка (на лініі Лунінец — Калінкавічы), 263 км ад Гомелю.

Транспартная сетка

Транспартныя сувязі па прасёлкавай, затым аўтамабільнай дарозе Лунінец — Калінкавічы. Планіроўка складаецца з дугападобнай вуліцы, блізкай да мерыдыянальнай арыентацыі, да якой з усходу далучаецца просталінейная шыротная вуліца. Забудова драўляная, няшчыльная, сядзібнага тыпу.

Гісторыя

Заснавана напачатку XX стагоддзя. У 1908 годзе засценак Грады ў Ленінскай воласці Мазырскага павета Мінскай губерні 1 двор, 4 жыхара. У 1917 годзе ў Жыткавіцкай воласці.

У 1931 годзе арганізаваны калгас «Чырвоная Града». У 1930-х гадах у вёску пераселены жыхары найблізкіх сяліб. Падчас Вялікай Айчыннай вайны ў сакавіку 1943 года нямецкія акупанты спалілі вёску. Вызвалена 5 ліпеня 1944 года. На франтах і ў партызанскай барацьбе загінулі 30 жыхароў. У памяць пра загінулых у 1975 годзе ў цэнтры вёскі ўсталяваны абеліск і 3 пліты з імёнамі загінулых. Паводле перапісу 1959 года цэнтр калгасу «XX партз'езд». Змесцаваны пачатковая школа, Дом культуры, бібліятэка, фельчарска-акушэрскі пункт, аддзяленне сувязі, крама.

Да 26 верасня 2006 года вёска ўваходзіла ў склад Браніслаўскага сельсавета.

Насельніцтва

Колькасць

• 2004 год — 119 гаспадарак, 317 жыхароў.

Дынаміка

• 1917 год — 301 жыхар.
• 1921 год — 68 двароў, 335 жыхароў.
• 1925 год — 85 двароў.
• 1940 год — 329 жыхароў.
• 1959 год — 418 жыхароў (паводле перапісу).
• 2004 год — 119 гаспадарак, 317 жыхароў.

Літаратура

• Гарады і вёскі Беларусі: Энцыклапедыя. Т.1, кн.1. Гомельская вобласць/С. В. Марцэлеў; Рэдкалегія: Г. П. Пашкоў (галоўны рэдактар) і інш. — Мн.: Белэн, 2004. 632с.: іл. Тыраж 4000 экз. ISBN 985-11-0303-9 ISBN 985-11-0302-0

Спасылкі

• На Вікісховішчы пакуль няма медыяфайлаў па тэме, але Вы можаце загрузіць іх