Касцёл Найсвяцейшага Сэрца Ісуса (Ляхавічы)

Каталіцкі храм
Касцёл Найсвяцейшага Сэрца Ісуса
53°02′13″ пн. ш. 26°15′42″ у. д.
Краіна	Беларусь
Горад	Ляхавічы
Канфесія	Каталіцызм
Епархія	Пінская дыяцэзія Ляхавіцкі дэканат
Стан	дзейнічае

Касцёл Найсвяцейшага Сэрца Ісуса — мураваны каталіцкі храм у горадзе Ляхавічы Брэсцкай вобласці.

Гісторыя

Пабудаваны ў пачатку XXI ст. з цэглы. Часовая драўляная капліца, што стаяла злева ад касцёла, была разабрана ў 2004 годзе.

Архітэктура

Трохнефавая двухвежавая базіліка. Да асноўнага прамавугольнага ў плане аб’ёму далучаны бакавы ніжэйшы неф. Фасад фланкіраваны васьміграннымі шатровымі вежамі, вылучаны па цэнтры ўваходным прамавугольным парталам і вялікім арачным аконным праёмам над ім, які асвятляе хоры. Архітэктурны рытм бакавых фасадаў ствараюць арачныя аконныя праёмы і лапаткі ў прасценках.

Унутры зала размежавана на тры нефы чатырохграннымі слупамі, перакрыта драўляным стральчатым скляпеннем у цэнтральным нефе і плоскай падшыўной столлю ў бакавых. Над уваходам галерэя хораў з балюстрадным парапетам.

Літаратура

• Кулагін А. М. Каталіцкія храмы Беларусі: Энцыкл. даведнік / А. М. Кулагін.

Спасылкі

• Ляхавічы — парафія Найсвяцейшага Сэрца Пана Езуса — http://catholic.by/
• Касцёл Найсвяцейшага Сэрца Ісуса (Ляхавічы) на сайце Глобус Беларусі (руск.)